ايگىلى فۋتبولشى وفسايدتى الىپ تاستاۋدى ۇسىندى (ۆيدەو)

حالىقارالىق فۋتبول قاۋىمداستىعىنىڭ (فيفا) تەحنيكالىق ديرەكتورى ماركو ۆان باستەن وفسايد پەن سارى قاعازدى الىپ تاستاۋدى, سونداي-اق بىرقاتار ەرەجەلەر ەنگىزۋدى ۇسىندى. بۇل تۋرالى lenta.ru حابارلادى. ونىڭ ايتۋىنشا ويىن ءتارتىبى بۇزىلعاندا بىلايشا جازالاۋ كەرەك: «مەن كوپتەن بەرى باسكەتبول ءتارتىبىن ەنگىزۋ تۋرالى يدەيانى ويلاپ ءجۇرمىن, ياعني بەس مارتە ەرەجە بۇزعان ويىنشى الاڭنان كەتەدى. ال وفسايد جاعىنا كەلەر بولساق, بۇل ۇسىنىسىم كوبىنە ۇنامايتىن سياقتى. بۇل ءتارتىپتى الىپ تاستاعىم كەلەتىنى قازىر فۋتبول بەينە ءبىر گاندبولعا ۇقساپ كەتتى», – دەدى ول. سونىمەن قاتار, گوللانديالىق ديرەكتور پەنالتي سەرياسىنا قاراعاندا حوككەيدەگى بۋلليت سەرياسىن ەنگىزۋدى, ءتىپتى الەم چەمپيوناتىنىڭ توپتىق ويىندارىندا دا قولدانۋدى ۇسىندى. «ءاربىر كوماندادا بەس مۇمكىندىك بولادى. تورەشىنىڭ ىسقىرىعىنان كەيىن فۋتبولشى 25 مەتر قاشىقتىقتان دوپتى الىپ جۇگىرىپ, 8 سەكۋندتىڭ ىشىندە سوققى جاساپ ۇلگەرۋى ءتيىس. ال قاقپاشى ايىپ الاڭىنان ۇزاپ شىعا المايدى. قارسىلاسىنىڭ سوققىسىن قايتارا السا, بۋلليت اياقتالدى», – دەدى ۆان باستەن. ايتا كەتەيىك, 10 قاڭتار كۇنى فيفا-نىڭ كەڭەسى 2026 جىلدان باستاپ الەم چەمپيوناتىنا قاتىساتىن كوماندالار سانىن 32-دەن 40-قا ارتتىرۋ تۋرالى شەشىم قابىلداعان.