وباما پرەزيدەنتتىكتەن كەتكەننەن كەيىن نەمەن اينالىساتىنىن ايتتى

اقش پرەزيدەنتى باراك وباما اعىمداعى جىلدى وتباسىنا ارناعىسى كەلەتىنىن ايتتى. ول ءتيىستى مالىمدەمەنى ءوزىنىڭ قورىتىندى ءباسپاسوز ءماسليحاتىندا ايتتى, ونىڭ تىكەلەي كورسەتىلىمى NPR24 ارناسىندا جۇرگىزىلدى, دەپ جازادى قازاقپارات. «ماعان بار كەرەگى, العان ۇلكەن تاجىريبەمدى زەردەمنەن وتكىزۋ ءۇشىن - ۋاقىت قانا. جۇبايىمنىڭ جانىندا بولعىم كەلەدى, تاياۋدا وتاۋلاسقانىمىزعا 25 جىل بولادى. كوپ جازىپ, از سويلەگىم كەلەدى. قىزدارىمنىڭ جانىندا كوپ ۋاقىت وتكىزگىم كەلەدى. بۇل, وسى جىلعا جوسپارلاعان ىستەرىم», - دەپ اتاپ ءوتتى وباما. بۇل رەتتە پرەزيدەنت, اقش ازاماتى بولىپ قالا بەرەتىنىن جانە ونىڭ قىزدارى ساياساتپەن اينالىسپايتىنىن ءمالىم ەتتى. باراك پەن ميشەل وباما 1992 جىلى ۇيلەنگەن. 18 جاستاعى ماليا مەن 15 جاستاعى ساشانى تاربيەلەپ وتىر. ايتا كەتەيىك, اقش-تىڭ جاڭادان سايلانعان 45-ءىنشى پرەزيدەنتى دونالد ترامپتىڭ يناۋگۋراتسياسى 20 قاڭتار كۇنى وتەدى.