«توكاماك» ەكسپو-2017 كورمەسىنە قويىلادى

كۋرچاتوۆتاعى ۇلتتىق يادرولىق ورتالىق قازاق عى­لىمىنىڭ وزىق دامۋىنا وزىندىك ۇلەس قوسىپ كە­لەدى. اتالمىش ورتالىق حا­لىقارالىق بەدەلدى ۇيىم­دارمەن, اسىرەسە ماگاتە-مەن تىعىز بايلانىس ورنات­قان. «قازىر ورتالىق قاۋىپسىز يادرولىق رەاكتورلاردى پايدالانۋ جونىندە ماڭىزدى عىلىمي جۇمىس اتقارۋدا. تاعى ءبىر اتقارىلعان شارۋا, بۇل – يادرولىق سۇيىق وتىندى وڭدەۋ جانە ۇزاق ۋاقىتقا ساقتاۋ», دەدى ۇلتتىق جاراتىلىستانۋ اكادەمياسىنىڭ اكادەميگى, كۋرچاتوۆ قالاسىنداعى ۇلتتىق يادرولىق ورتالىقتىڭ باس ديرەكتورى ەرلان باتىربەكوۆ ارنايى وتكەن ءباسپاسوز ءماسليحاتىندا. – بۇگىندە قازاقستاننىڭ ۇلتتىق يادرولىق ورتالىعى بۇكىل الەمگە تانىمال. ورتالىق قۇرىلعاننان باستاپ, عىلىمي-تەحنيكالىق بازا ساقتالىپ قانا قويماي, اياسى دا كەڭەيدى. زاماناۋي ۇلگىدەگى زەرتحانا جابدىقتالدى. اتوم ەنەرگەتيكاسى سالاسىنان شەتەلدىك ارىپتەستەرىمىزدىڭ قاتارىندا جاپونيا, فرانتسيا, بەلگيامەن بىرگە, ۇياو-نىڭ تاجىريبە بازاسىندا يادرولىق رەاكتورلاردى زەرتتەۋدەمىز. «توكاماك» يادرولىق رەاكتورىن ەكسپو-2017 كورمەسىندە كورسەتۋ جوبامىزدا بار, – دەيدى باس ديرەكتور. راۋشان نۇعمانبەكوۆا سەمەي