استانا مەن الماتى

قالالارىنداعى حقو جۇكتەمەلەرىن كورىپ وتىرۋعا بولادى «ازاماتتارعا ارنالعان ۇكىمەت» مەملەكەتتىك كورپوراتسياسى استانا مەن الماتى قالالارى حقو-لارىنىڭ جۇكتەمەلەرىن باقىلاۋ مۇمكىندىگىن جۇزەگە اسىردى. رەتتەۋ زالى, قۇجاتتاندىرۋ جانە بانك كاسسالارى قىزمەتتەرىنىڭ جۇكتەمە دەڭگەيىن كورسەتەتىن ديناميكاعا سىلتەمە مەملەكەتتىك كورپوراتسيانىڭ goscorp.kz رەسمي سايتىنىڭ باستى پاراعىندا ورنالاستىرىلعان. «ازاماتتارعا ارنالعان ۇكى­مەت» مەملەكەتتىك كورپوراتسياسى» كە» اق مەملەكەتتىك قىزمەتتەر ءادىسناماسى جانە مونيتورين­گى دەپارتامەنتىنىڭ ديرەكتورى گۇلجان اسانوۆانىڭ ايتۋىن­شا, اتالعان سەرۆيس ازاماتتارعا قولايلى بولۋ ءۇشىن قۇرىلعان جانە ولاردىڭ حقو-عا بارۋىن الدىن الا جوسپارلاۋعا مۇمكىندىك بەرەدى. «وسى دياگرامما بويىنشا ادام مەيلىنشە تەز قىزمەت الۋ ءۇشىن قاي حقو-عا بارۋ كەرەكتىگىن انىقتاي الادى. ياعني, ەگەر وعان كوشى-قون سالاسى بويىنشا قىزمەت كەرەك بولماسا, ۋاقىتشا تىركەۋ بويىنشا قىزمەت الۋشىلار اعىنى كوپ حقو-عا با­رۋ قاجەت ەمەس, ول كەلۋشىلەر سانى از كەز كەلگەن باسقا ورتالىققا جۇگىنە الادى», دەيدى. سونىمەن قاتار, گۇلجان اسا­­نوۆا ازىرگە تەك استانا جانە الماتى قالالارىنداعى حقو-لاردا جۇكتەمەنى كو­رۋگە بولا­تى­نىن, جاقىن ارا­دا قازاق­ستان­نىڭ باسقا دا قالالارىنداعى  حقو-لارىندا كەلۋ­شى­لەر سا­نىن باقىلاۋ ءمۇم­كىندى­گى قاراستى­رى­لا­تىنىن اتاپ ءوتتى. اقپا­رات ءار ساعات سايىن جاڭار­تىلادى ەكەن. «ەگەمەن-اقپارات»