مەكتەپتەر اۆتوبۋسپەن قامتىلدى

بۇل اۋىل تۇرعىندارى ءۇشىن كوپتەن كۇتكەن قۋانىش ەدى. سەمەيدە 8 مەكتەپ ۇجىمىنا اۆتوبۋس كىلتتەرى تابىس ەتىلدى. اتا-انالار مەن ۇستازدار اۋىل بالالارى ءۇشىن جاسالىپ وتىرعان قامقورلىققا ريزاشىلىقتارىن ءبىلدىردى. مۇنىڭ ىشىندە №10, 21, 34 جانە وزەركا, بۇلاق, پريگورود, شاقامان اۋىلدارىنىڭ ءبىلىم وشاقتارى بار. – اسىرەسە, اۋىل بالالارى ءۇشىن مەكتەپكە قاتىناۋ ەندى قولايلى بولادى, – دەدى اۋىل تۇرعىنى ارىنبەك نۇرتاەۆ, – بۇرىندارى ەسكى اۆتوبۋس ءجيى سىنىپ قالاتىن, وقۋشىلاردى جەتكىزۋ ءۇشىن كولىك ىزدەيتىنبىز. ەندى مىنە, بۇل ماسەلە وڭتايلى شەشىلدى. مەكتەپ مۇعالىمى بايان اققاليەۆانىڭ اي­تۋىنشا, اۋىل مەكتەپتەرىمەن بىرگە قالا مەكتەپتەرى دە اۆتوبۋسپەن قامتىلىپ وتىر. بۇل دا ءبىر يگى ءىس. بۇدان بۇرىن تومەنگى سىنىپ وقۋشىلارىن تەاتر, تسيرك, مۋزەي سياقتى مادەني ورىندارعا جەتكىزۋ ءۇشىن ادام اۆتوبۋستارعا وتىراتىنبىز. ەندى مىنە, بۇل ولقىلىقتىڭ ورنى تولتىرىلدى. راۋشان نۇعمانبەكوۆا سەمەي