ۋنيۆەرسياداعا ۇسىنىلعان مادەني سىن

الماتىدا الاۋى جاعىلاتىن ءححVىىى قىسقى ۋنيۆەرسيادا قۇرمەتىنە وراي 20 قاڭتاردان باستاپ 10 اقپان ارالىعىندا قالا تەاترلارى, كونتسەرت زالدارى, مۇراجايلارى مەن كىتاپحانالارىندا, سونداي-اق, سپورتتىق نىساندارىندا مادەني ءىس-شارالار وتكىزىلەدى. ەڭ ۇلكەن مادەني باعدارلامانى اباي اتىن­داعى قازاق مەملەكەتتىك اكادە­ميالىق وپەرا جانە بالەت تەاترى جانە م.لەرمونتوۆ اتىنداعى ورىس مەملەكەتتىك اكادەميالىق دراما تەاترى دايىنداماق. سونداي-اق, م.اۋەزوۆ اتىنداعى قازاق مەملەكەتتىك اكادەميالىق تەاترى, كورەي مەملەكەتتىك رەسپۋبليكالىق مۋزىكالىق كومەديا تەاترى, ق.قوجامياروۆ اتىنداعى ۇيعىر مەملەكەتتىك رەسپۋبليكالىق مۋزى­كالىق كومەديا تەاترى دا ۇزدىك قويىلىمداردى ساحنالايدى. جامبىل اتىنداعى قازاق مەملەكەتتىك فيلارمونياسىندا مازمۇندى مادەني باعدارلاما قاراستىرىلعان, سونىڭ ىشىندە قازاقستاننىڭ ەڭبەك سىڭىرگەن ءارتىسى ع.نەسىپباەۆتىڭ جەتەكشىلىك ەتۋىمەن ورگان مۋزىكا كەشى, ۇرمەلى اسپاپتار وركەسترىنىڭ كونتسەرتى, حالىقارالىق بايقاۋلاردىڭ لاۋ­رەاتتارى جانار سۇلەيمەنوۆا, اميرا بەيسەنعاليەۆا جانە باس­قا دا ارتىستەردىڭ كونتسەرتتەرى ۇيىمداستىرىلادى. «الاتاۋ» تەاترىنىڭ اۋما­عىندا «الاتاۋ الابىندا» ەتنو-فەس­تيۆالى وتكىزىلمەك. 29 قاڭ­تاردا اشىلىپ, ۋنيۆەرسيادا اياقتالعانشا جۇمىس ىستەيتىن اتالعان ەتنو-فەستيۆال كەزىندە قولونەرشىلەردىڭ كورمەسى وتكىزىلىپ, پاۆيلوندار, كيىز ۇيلەر, ءداستۇرلى ينستاللياتسيالار قويىلادى, ۇلت­تىق تاعام تۇرلەرى تانىستىرىلادى. قالانىڭ كىتاپحانالارى مەن مۇراجايلارىندا سپورت تاقىرىبىنا ارنالعان كورمەلەر, ۆيرتۋالدىق سلايد-ساياحاتتار, سونداي-اق, ەلىمىزدىڭ سپورتشىلارى مەن سپورت سالاسىنىڭ وكىلدەرىمەن كەزدەسۋلەر وتكىزىلەدى. سونداي-اق, ۋنيۆەرسيادا وتكى­زىلەتىن بۇكىل كەزەڭدە, ياعني 29 قاڭ­تارمەن 8 اقپان ارالىعىندا قازاق مەملەكەتتىك تسير­كىندە 2017 جىلعى ءححVىىى دۇنيە­جۇزىلىك قىس­قى ۋني­ۆەر­سياداعا ارنال­عان ارنايى تسيرك باعدارلاماسى, ال 10 اقپاندا رەسپۋبليكا سارايىن­دا قازاقستاننىڭ ەڭبەك سىڭىرگەن قايراتكەرى سەيدوللا بايتە­رەكوۆتىڭ شىعارماشىلىعىنا ارنال­عان «جان دوسىم» كونتسەرتى ۇيىم­داستىرىلادى. «ەگەمەن-اقپارات»