باق-تىڭ دوسى درون بولماق

ۋنيۆەرسيادا جارىستارى كەزىندە جۋرناليستەر ءوز جۇمىستارىن ءتيىمدى اتقارۋى ءۇشىن درونداردى پايدالانۋ مۇمكىندىگى تۋدى. بۇل تۋرالى الماتىداعى ءححVىىى دۇنيەجۇزىلىك قىسقى ۋنيۆەرسياداعا دايىندالۋ جانە وتكىزۋ جونىندەگى ديرەكتسياسى مالىمدەپ وتىر. وسىعان بايلانىستى قاۋىپسىزدىك دەپارتامەنتىندە جارىستاردى, سونداي-اق, ۋنيۆەرسيادانىڭ اشىلۋ جانە جابىلۋ سالتاناتتارى كەزىندە باق-تىڭ ۇشقىشسىز ۇشاتىن اپپاراتتاردى (درونداردى) قولدانۋ ەرەجەسى ءتۇسىندىرىلدى. ۋنيۆەرسيادا ءىس-شارا­لارى مەن جارىستارىن وت­كىزۋ كەزىندە سپورتتىق نى­سان­داردا پيلوتسىز اپپا­رات­تاردىڭ قولدانىلۋى قاتاڭ رەتتەلەدى. درونداردى قولدانۋعا  مۇددەلى باق وسى جونىندە الماتى قالا­سى اكىمدىگىنەن, ۇلتتىق قاۋىپ­سىزدىك كوميتەتىنەن جانە مەملەكەتتىك قورعاۋ قىز­مەتىنەن رۇقسات الۋى ءتيىس. اتالعان ورگاندارمەن وسى ءراسىمدى ماقۇلداعان سوڭ, ديرەكتسيا ءباسپاسوز قىز­مەتىنە درونداردى قولدا­نىلاتىنىن حابارلاۋ قاجەت. بۇل مەكەمەلەردىڭ رۇق­ساتىن الۋ ءۇشىن باق وكىلدەرى دروندار قانداي سپورت نىسانىندا, قاي كۇنى جانە قانداي ۋاقىتتا قولدانىلاتىنى جازىلعان رەسمي حاتتى دايىندايدى. حاتتىڭ قوسىمشاسىندا دروننىڭ بۇكىل تەحنيكالىق ەرەكشەلىكتەرى مەن سيپات­تىزىمدەرى (كوتەرىلۋ بيىكتىگى, ارالاپ ۇشىپ شىعۋ راديۋسى, باتارەيادان جۇمىس جاساۋ ۋاقىتى جانە ت.ب.) كورسەتىلەدى. سونداي-اق, دروننىڭ جۇمىسىن باس­قاراتىن تۇلعانىڭ قۇجات­تاعى مالىمەتتەرى ۇسىنىلۋى ءتيىس. ايناش ەسالي, «ەگەمەن قازاقستان» الماتى