اشىق تالقىلاۋلاردىڭ ارتىقشىلىقتارى كوپ

كەشە اقپارات جانە كوممۋنيكاتسيالار مينيسترلىگىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپارات جانە كوممۋنيكاتسيالار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى. اقپارات جانە كوممۋنيكاتسيالار ۆيتسە-ءمينيسترى الان اجىباەۆ جەتەكشىلىك ەتكەن وتىرىسقا قۇجاتتى ازىرلەۋشى توپ وكىلدەرى مەن ۆەدومستۆو ماماندارى, بەينەبايلانىس ارقىلى ايماقتارداعى باق وكىلدەرى دە قاتىستى. جيىندى اشقان الان عا­زيز­ ۇلى زاڭ جوباسىن ازىرلەۋ قولعا الىنعان كۇننەن بەرى بار­لىق مۇددەلى تاراپتار ءتيىستى دەڭ­گەيدە جۇمىلدىرىلا وتىرىپ, تالقىلاۋ ۇدەرىسى اشىق تۇردە جۇرگىزىلىپ جاتقانىنا كوپشىلىكتىڭ نازارىن اۋداردى. «قازىرگى كەزگە دەيىن جۇمىس تو­بىنىڭ بىرنەشە وتىرىسى ءوتىپ, زاڭ جوباسىنا جالپى سانى 200-گە جۋىق ۇسىنىس ەنگى­زىلدى. ارينە, مۇنىڭ ءبارى قابىل­دانادى دەگەن ءسوز ەمەس. سەبەبى, الداعى ۋاقىتتا وسىنداي وتىرىستار اياسىندا ءاربىر ۇسىنىس پەن تولىقتىرۋلار وزدەرىڭىزبەن بىرگە مۇقيات تالداپ, تارازىلاناتىن بولادى», – دەدى ۆيتسە-مينيستر ا.اجىباەۆ. سونىمەن قاتار, وتىرىستا اعىمداعى جىلدىڭ مامىر ايىنا قاراي ماجىلىستە تانىس­تىرىلاتىن بۇل زاڭ جوباسى قوعامدا اشىق تالقىلانىپ جات­قاندىقتان, كوپتەگەن ۇسى­نىس-پىكىرلەر الەۋمەتتىك جەلى­لەر ارقىلى تۇسكەن. مۇنى «ءادىل ءسوز» ءسوز بوستاندىعىن قور­عاۋ xالىقارالىق قورىنىڭ جەتەك­شىسى تامارا كالەەۆانىڭ سوزىنەن دە اڭعارۋعا بولاتىنداي. «قازىرگى زاڭنامانى قانشا جاڭارتساق تا, زاماناۋي وزىق تەح­نولوگياعا ىلەسۋىمىز ەكىتالاي كۇي­دە قالادى. مەنىڭشە, قولدا­نىس­تاعى زاڭىمىز تولىعىمەن ەسكىردى. سوندىقتان ونى تۇبە­گەي­لى وزگەرتىپ, بۇقارالىق اقپارات قۇ­رالدارىن مەملەكەتتىك قول­داۋدىڭ ۋاقىت تالابىنا ساي تەتىكتەرىن ەنگىزگەنىمىز ءجون. زايىرلى مەملەكەتتەردىڭ ءبارىن­دە ونداي شارالار بار. اقپارات سالاسىنداعى مونوپولياعا قارسى وزىق ۇلگىدەگى ءادىس-ءتاسىل­دەرىمىز بولۋى قاجەت. سونىڭ ارقاسىندا بۇقارانىڭ سەنىمى ارتادى», – دەگەن ول قازىر حالىق باق-قا قاراعاندا, جوعارىدا اتال­عان الەۋمەتتىك جەلىدەگى جاز­بالارعا كوبىرەك سەنىم ارتا­تىندىعىن قاداپ ايتتى. «وسى كۇنى ءبىز ۇسىنىپ وتىر­عان وزگەرىستەر – زامان تالابى. الەمدىك ترەندتەردى مەي­لىن­شە, ەسكەرۋگە تىرىستىق. دەگەن­مەن, بەلگىلى ءبىر ۋاقىتتان كەيىن وزىق دەگەن ۇلگىمىزدىڭ ءوزى وزگەرە­تىنىن جاقسى ءتۇسىنۋىمىز قاجەت», – دەدى ا.اجىباەۆ. تاعى ءبىر ەس­كەرتە كەتەتىن جاعداي, ەگەر زاڭ جوباسى ماقۇلدانسا, اقپا­رات ءجا­نە كوممۋنيكاتسيالار مينيسترلىگىنىڭ ۇسىنۋىمەن ەلەك­تروندى بۇقارالىق اقپارات قۇرال­دارىندا پىكىر قالدىراتىن ازا­­مات­تاردى ۇيالى تەلەفون ءنو­مىرى ارقىلى تىركەپ وتىرۋ كوزدە­لۋدە. القالى جيىندا بىرقاتار باق وكىلدەرى ۇسىنىس رەتىندە زاڭ جوباسىنا ەنگىزىلگەن كەيبىر باپ­تار مەن ونىڭ تارماقتارى قولدانىستاعى وزگە زاڭدارمەن قاي­شىلىعى بار ەكەنىن جانە تالاپ ەتىلەتىن قايسىبىر شارت­تاردىڭ شيكىلەۋ ەكەندىگىن العا تارتىپ, ۆەدومستۆو جەتەك­شى­لەرىنەن تۇسىندىرمە بەرۋدى سۇ­را­دى. ماسەلەن, باسپا بەتىندە جاريالانعان ماتەريالعا قاتىس­تى تۇسكەن شاعىمنىڭ دۇرىس-بۇرىستىعىن انىقتاۋ ءۇشىن نەمەسە جاريالانعان ماقالانى تەرىسكە شىعارۋ ءۇشىن ءۇش كۇن ۋاقىت بەرىلەدى دەگەن ماندەگى زاڭنىڭ بابىن باق وكىلدەرى قيسىنسىز دەپ باعالادى. ءوز كەزەگىندە مۇنداي ۋاجگە جاۋاپ بەرگەن ۆيتسە-مينيستر ا.اجىباەۆ تىلشىلەر قاۋىمىن زاڭ جوباسى قازىرگى كەزدە ازىرلەنۋ ۇدەرىسىندە ەكەندىگىن ەسكەرتىپ, ءالى دە بولسا مۇنداي ماسەلەلەردى تالقىلاپ, كەم-كەتىگىن تۇزەپ, تولىقتىرۋعا بۇگىنگىدەن دە بەلسەندىرەك قاتىسۋعا شاقىردى. سونىمەن قاتار, تالقىلاۋدا باق بەتتەرىندە, اسىرەسە, تەلە­ارناداعى جارنامانىڭ جايى دا جان-جاقتى ءسوز بولدى. ونىڭ ىشىندە الكوگولدىك ىشىمدىك پەن تەمەكى ونىمدەرىنە قاتىستى جارنامانىڭ ەفيردەن بەرىلۋ ۋاقىتىنا قاتىستى ناقتى كەستە بەكىتىلەتىن بولادى دەپ كۇتىلۋدە. جۇمىس توبى وكىلدەرىنىڭ ايتۋىنشا, مۇنداي تالاپ ەڭ الدىمەن تەلەكورەرمەندەر قۇقىنىڭ ساقتالۋىن قامتاماسىز ەتسە, ەكىنشى جاعىنان جاعىمسىز جارناما ارقىلى بالالار ساناسىنىڭ ۋلانۋىنان ساقتايدى. وسى ماسەلەگە قاتىستى ءۇن قاتقان ۆي­تسە-مينيستر: «ارينە, جارناما دەگەن تابىستىڭ كوزى نەمەسە اق­پارات قۇرالىنىڭ كۇنكورىسى دەسەك تە, بۇل جەردە ءبىز ونى جونىمەن بەرمەسەك, كورەرمەن زار­داپ شەگەتىنىن ۇمىتپاۋىمىز كەرەك. ءتىپتى, جول جيەگىندە تۇرا­تىن الىپ بيلبوردتار الەمدىك تاجىريبەدە باق رەتىندە موي­ىندالعانىن ەسكەرسەك, بىزگە كوشە جارنامالارىنىڭ ءوزىن دە كوپ تۇزەۋىمىزگە تۋرا كەلەدى», – دەدى الان عازيز ۇلى. وتىرىستا قىزۋ تالقىلانعان ماسەلەنىڭ ءبىرى جۋرناليستەردىڭ جۇمىس ىستەۋ قاعيداتتارىنا قاتىستى پىكىر الماسۋ بولدى. قوعام بەلسەندىلەرى تاراپىنان جۋرناليستىك قىزمەتتى رەگ­لامەنتتەۋ ماسەلەسىن ارقاۋ ەتكەن 6.1. باپتىڭ «تۇلعانىڭ جەكە ءومىرى مەن جەكە باسىنا قاتىستى اقپاراتتى الۋ ءۇشىن, جۋرناليست مىندەتتى تۇردە تۇلعادان جازباشا رۇقسات الۋى ءتيىس» دەگەن تالابى «جاۋاپتى مەملەكەتتىك ورگاندارداعى جانە كۆازيمەملەكەتتىك سەكتورداعى لاۋازىمدى تۇلعالاردان باسقا» دەگەن سويلەممەن تولىقتىرىلۋى ۇسىنىلدى. ويتكەنى, باسشىنىڭ مىندەتى – حالىققا قالتقىسىز قىزمەت ەتۋ ەكەندىگىن ەسكەرسەك, بۇل جەردە باسشىنىڭ ادالدىعى الدىڭعى ورىنعا شىعۋى ءتيىس. ال باسشى تازا بولسا, قوسشى دا قۇلشىنا ەڭبەك ەتىپ, تاباناقى, ماڭداي تەرىمەن تاپقان تابىسىن ۇستەمەلەۋگە بەيىل بولادى. سونىمەن بىرگە, باق بەت­تەرىندە مەملەكەتتىك اقپارات­تىق ساياساتتى ءتۇسىندىرۋ ماق­ساتىندا مەملەكەتتىك تاپسىرىستى ورنالاستىرۋ ءتارتىبىن قايتا قاراپ, زاڭ تۇرعىسىنان ونىڭ كەشىكتىرىلمەي بەرىلۋ مەرزىمىن جانە وسىناۋ تالاپتى ساقتاماعان لاۋازىم يەلەرىنە ايىپپۇل تۇرىندەگى اكىمشىلىك جازا قولدانۋدى ەنگىزۋ جايى دا تاقىرىپتان تىس قالمادى. وعان قوسا, مۇنداي تالاپ تىلدىك نورمانى ورىنداماعان ەلەكتروندى بۇقارالىق اقپارات قۇرالدارى باسشىلارىنا دا قاتىستىلىعى زاڭ اياسىندا كورىنىس بەرسە دەگەن پىكىرلەر ايتىلدى. ايتا كەتەيىك, ۇتقىر ويلار ورتاعا سالىنعان مۇنداي وتىرىستار اعىمداعى جىلدىڭ ءساۋىر ايىنا دەيىن جالعاسادى دەپ جوسپارلانعان. ال زاڭ جوباسى زاڭ شىعارۋ جۇمىسىنىڭ 2016-2021 جىلدارعا ارنالعان تۇجىرىمدامالىق جوسپارى مەن ۇكىمەتتىڭ زاڭ جوبا­لاۋ جۇمىستارىنىڭ 2017 جىلعا ارنالعان جوسپارى شەڭ­بەرىندە ازىرلەنگەن. 200-گە جۋىق تۇزەتۋدى قامتيتىن زاڭ جو­با­سىن قابىلداۋ ماقساتى قولدا­نىس­تاعى نورمالاردى كوممۋنيكا­تسيا تەحنولوگيالارىنىڭ دامۋى­مەن وزگەرىسكە تۇسەتىن باق, تەلە­راديو حابارلارىن تاراتۋ, اقپا­رات­تاندىرۋ جانە بايلانىس سا­لاسىنداعى قوعامدىق قاتىناس­تاردى قۇقىقتىق تۇرعىدا رەگ­لامەنت­تەۋ بولىپ تابىلادى. نۇرلىبەك دوسىباي, «ەگەمەن قازاقستان» سۋرەتتى تۇسىرگەن ەرلان وماروۆ, «ەگەمەن قازاقستان»