ديابەتكە شالدىققاندار توعىز جىل از ءومىر سۇرەدى

قىتاي ەلىندە ديابەت اۋرۋىنا شالدىققان تۇرعىنداردى زەرتتەگەن عالىمدار دەنى ساۋ ادامنان توعىز جىل از ومىر سۇرەتىنىن مالىمدەدى. بۇل تۋرالى ريا «نوۆوستي» اقپارات اگەنتتىگى حابارلادى. «اسپاناستى حالقىنىڭ اراسىندا ديابەتكە شالدىققانداردىڭ قاتارى كۇن ساناپ ارتىپ بارادى. قاتەرلى اۋرۋدىڭ الدىن الىپ, ءتيىستى شارالار قولدانباسا, قايتىس بولاتىنداردىڭ سانى كۇرت كوبەيەدى», – دەيدى وكسفورد ۋنيۆەرسيتەتىنىڭ عالىمى چەن چجەنمين. JAMA جۋرنالىنا جاريالانعان ماقالادا الەمنىڭ دامىعان ەلدەرىمەن سالىستىرعاندا قىتايدا وسى دەرتكە شالدىققانداردىڭ كوبەيگەنىن جازعان. مامانداردىڭ ايتۋىنشا, سوڭعى ونداعان جىلداردىڭ ىشىندە ءتورت ەسەگە ارتىپپ, 100 ميلليون ادامعا جەتكەن. چجەنمينمەن ونىڭ ارىپتەستەرى ديابەت اۋرۋىنىڭ حالىق دەنساۋلىعىنا قانشالىقتى كەرى اسەرىن تيگىزىپ, دەموگرافيالىق جاعدايىنا وزگەرىس اكەلەتىنىن زەرتتەگەن. بۇل ءۇشىن ولار قاراپايىم ادامدار مەن ديابەتتەردىڭ ءولىم كورسەتكىشىنە نازار اۋدارىپ, ناۋقاستاردىڭ ورتاشا ەسەپپەن قانشا جىلىن جوعالتاتىنىن بىلۋگە تىرىسقان. وسى ءۇشىن بەس ءىرى قالا مەن بەس پروۆينتسيادا تۇراتىن 30-79 جاس ارالىعىنداعى 500 مىڭ ادامدى زەرتتەگەن. ناتيجەسىندە قالالىقتار شامامەن 8 جىلعا, ال پروۆينتسيالىقتار 10 جىلعا از ءومىر سۇرەتىنى بەلگىلى بولدى. باقىلاۋ كەزىندە دەنى ساۋ ادامدارعا قاراعاندا شامامەن ەكى ەسە كوبىرەك قايتىس بولعان. چجەنميننىڭ ايتۋىنشا, ديابەتتىڭ سالدارىنان ادام ينسۋلتقا, يشەمياعا, ىسىكتىڭ بىرنەشە تۇرىنە, بۇيرەك, باۋىر اۋرۋلارىنا بەيىم بولىپ كەلەدى.