نارەستەنىڭ العاشقى بەس ايدا ۇيرەنگەن انا ءتىلى ەشقاشان ۇمىتىلمايتىنىن عالىمدار دالەلدەدى, دەپ جازادى BBC.
وڭتۇستىك كورەيالىق ۋنيۆەرسيتەتتەردىڭ بىرىندە جۇرگىزىلگەن زەرتتەۋ قورىتىندىسى بويىنشا, نارەستە ەرتە جاستا باسقا ەلگە كوشىپ كەتىپ, انا ءتىلىن مۇلدە ۇمىتىپ قالعاننىڭ وزىندە, انا ءتىلى جادىندا تەرەڭ ساقتالاتىنى بەلگىلى بولدى.
زەرتتەۋگە وڭتۇستىك كورەيادان اسىراپ الىنعان گوللاند تىلىندە سويلەيتىن ەرەسەك ادامدار قاتىستى. ولار وزدەرىنىڭ انا ءتىلى كورەي ءتىلىن بىلمەگەنىمەن, كورەي تىلىندە سويلەۋگە دەگەن يكەمى ساقتالعانى بايقالادى.
وسىدان عالىمدار اتا-انالاردىڭ بالالارىمەن ەرتە جاستان باستاپ انا تىلىندە كوبىرەك سويلەسۋى كەرەكتىگى تۋرالى قورىتىندى جاسادى.
زەرتتەۋ جۇمىسىنىڭ جەتەكشىسى دجيۋن چويدىڭ ايتۋىنشا, زەرتتەۋدەن اشقان ەڭ ۇلكەن جاڭالىق - نارەستە العاشقى كۇننەن باستاپ انا تىلىندە سويلەۋ ماشىعىنا يە بولادى. ناتيجەسىندە, ەر جەتكەندە ءوزىنىڭ انا ءتىلىن بىلمەگەنىمەن, ونى قايتا ۇيرەنۋ باسقا ءتىلدى ۇيرەنۋگە قاراعاندا بارىنشا وڭاي بولماق.
زەرتتەۋگە ەكى توپ گوللانديالىق ازامات قاتىستى. ءبىر توپتاعىلار تازا گوللاند بولسا, ەكىنشى توپتاعىلار التى ايعا دەيىن وزگە ەلدەن اسىراپ الىنعاندار. ەكى توپقا دا اسىراندى گوللاندتاردىڭ انا تىلىندە ءسوز ايتۋعا تاپسىرما بەرىلگەندە, تازا گوللاندتار شەت تىلدەگى ءسوزدى ايتۋدا قينالسا, اسىراندى گوللانديالىقتار وزدەرىنىڭ شىن انا تىلىندەگى سوزدەردى وپ-وڭاي ايتقان.
