وقو-نىڭ جاڭا دامۋ كونتسەپتسياسى جاسالدى

بارلىق سالانى قامتيتىن وڭتۇستىك قازاقستان وبلىسىنىڭ جاڭا دامۋ كونتسەپتسياسى دايىندالدى, دەپ حابارلادى وقو اكىمىنىڭ ءباسپاسوز قىزمەتى. وڭتۇستىك قازاقستان وبلىسىنىڭ اكىمى جانسەيىت تۇيمەباەۆتىڭ لاۋازىمدى قىزمەتكە كىرىسكەنىنە ءۇش ايدان استى. وبلىس باسشىسى وسى ارالىقتا اۋدان-قالالارعا 19 رەت ىسساپارعا شىقتى. ساپار بارىسىندا 91 الەۋمەتتىك نىسان پايدالانۋعا بەرىلدى. ءۇش ايدا ج.تۇيمەباەۆ 14 شەتەل ەلشىلەرىمەن جانە بيزنەسمەندەرىمەن كەزدەستى. ونىڭ ىشىندە بۇۇ, تۇركيا, قىتاي, شۆەيتساريا, فرانتسيا, ۆەنگريا, كاتار, ازەربايجان, وزبەكستان, قىرعىزستان وكىلدەرى بار. سونىمەن قاتار شەتەلدىكتەردىڭ قاتىسۋىمەن حالىقارالىق فورۋم مەن حالىقارالىق بيزنەس كونفەرەنتسيا ۇيىمداستىرىلدى. وبلىس اكىمى 150-دەن استام ءىس-شاراعا قاتىستى. وڭتۇستىكتە سوڭعى توقساندا يندۋستريالدى-يننوۆاتسيالىق دامۋ باعدارلاماسى اياسىندا 7 ملرد. تەڭگەنى قۇرايتىن 17 جوبا ىسكە قوسىلىپ, 735 جۇمىس ورنى اشىلدى. يندۋستريالىق ايماقتاردا 9 ينۆەستيتسيالىق جوبا جۇزەگە اسىرىلىپ, 4,3 ملرد. تەڭگە ينۆەستيتسيا تارتىلدى. 400 جاڭا جۇمىس ورنى اشىلدى. مادەنيەتتى دامىتۋ قورى قۇرىلدى. ەل تاۋەلسىزدىگىنىڭ 25 جىلدىعىنا وراي مادەني سالادا ەڭبەك ەتىپ جۇرگەن 25 تانىمال تۇلعاعا تۇڭعىش رەت وبلىس اكىمىنىڭ 500 مىڭ تەڭگەدەن سىياقىسى تاعايىندالدى. بۇل ءۇردىس جالعاسىن تاۋىپ, جىل سايىن مادەنيەت سالاسىنا ەڭبەگى سىڭگەن ازاماتتارعا بەرىلەتىن بولدى. اتالعان ۋاقىت كەزەڭىندە وبلىس اكىمىنىڭ باستاماسىمەن شىمكەنت قالاسىندا كوگالداندىرۋ جاڭاشا قارقىن الىپ, 52 مىڭ كوشەت, 300 مىڭ قىزعالداق جانە راۋشان گۇلدەرى ەگىلدى. وبلىس ورتالىعىنىڭ كەنجەلەپ قالعان شەتكى اۋداندارىن دامىتىپ, قاراۋسىز قالعان ساي-سالالاردى سايالى ساياباققا اينالدىرۋ ماقساتىندا «شاتقال» باعدارلاماسى قابىلداندى. ەلىمىزدەگى ەرەكشە جوبا 14 قاڭتار كۇنى باستالدى. اتالعان جوبا اياسىندا ءساۋىر ايىنا دەيىن 100 مىڭ تال وتىرعىزىلادى. ناتيجەسىندە ونداعان شاتقال ساياباققا اينالادى. تۇڭعىش رەت تۇيمەباەۆ وڭتۇستىككە ينۆەستيتسيا تارتۋ ماقساتىندا «تۋعان جەردى تۇلەتۋ – پەرزەنتتىك پارىز» رەسپۋبليكالىق اكتسياسىن وتكىزىپ, وڭىرىمىزدەن شىققان اتاقتى مەتسەناتتارمەن وبلىستىڭ ەرەكشە جوبالارىن قارجىلارىندىرۋعا كەلىسىم جاساۋعا كىرىستى. وڭتۇستىكتە تۋريزم كلاستەرىن دامىتۋدىڭ اۋقىمدى جوسپارىن جاساۋعا كىرىستى. «ەكسپو-2017» حالىقارالىق مامانداندىرىلعان كورمەسىنە وڭىرلىك دايىندىق اياسىندا قوناقتارعا ارناپ, وڭتۇستىك قازاقستان وبلىسى بويىنشا 3 جانە 5-كۇندىك تۋريستىك مارشرۋتتار جاسالدى. "Recommended by EXPO" بەلگىسى بەرىلىپ, "شىمتۋر", "ساەل تۋر" جانە "ميراس ترەۆەل" تۋريستىك ۇيىمدارىمەن مەموراندۋمعا قول قويىلدى.