قازاقستاندا ەڭ ءجيى ۇرلاناتىن كولىكتەر انىقتالدى

ەلىمىزدە ەڭ ءجيى ۇرلاناتىن كولىكتەردىڭ اراسىندا Lada ماركالى كولىكتەر كوش باستاپ تۇر, - دەپ حابارلايدى "Nomad Insurance" اق ساقتاندىرۋ كومپانياسى. "Lada ماركالى كولىكتەردىڭ كوبىسىندە قاراپايىم دابىل بەرۋ جۇيەسى قوسىلماعان, سونداي-اق, ول كولىكتى جۇرگىزۋ دە وڭاي - بايلانىستىرۋشى ەكى سىمدى قوسۋ ارقىلى جۇرە بەرەدى", - دەدى كومپانيا وكىلدەرى. سونداي-اق, ءجيى ۇرلاناتىن كولىكتەردىڭ تىزىمىندە ەكىنشى بولىپ تoyota (Corolla, Camry, Prado, Toyota Land Cruiser, RAV 4) تۇرسا, 3-ورىندا - Mazda (626-شى مودەل) كولىگى تۇر. "كومپانيا وكىلدەرى دايىنداعان مالىمەتتەرىنىڭ كوبىسى قر ءىىم رەسمي ستاتيستيكاسىنداعى مالىمەتتەرمەن سايكەس كەلەدى. مىسالى, 2015 جىلى قازاقستاندا 890 اۆتوكولىك ۇرلاۋ دەرەگى انىقتالسا, 2 919 كولىكتى ايداپ اكەتۋ دەرەگى تىركەلگەن. ال 2014 جىلى 771 ۇرلىق پەن 3 854 ايداپ اكەتۋ دەرەگى بولسا, 2013 جىلى 875 كولىك ۇرلانىپ, 4 457 كولىكتى بىرەۋلەر ايداپ اكەتكەن", - دەدى ساقتاندىرۋ كومپانياسىنىڭ وكىلدەرى.