2018 جىلى قازاقستاندا جەرگىلىكتى ءوزىن-ءوزى باسقارۋعا دەربەس بيۋدجەت ەنگىزىلەدى

2018 جىلدان باستاپ قازاقستاندا جەرگىلىكتى ءوزىن-ءوزى باسقارۋعا دەربەس بيۋدجەت ەنگىزۋ جوسپارلانۋدا. بۇل تۋرالى بۇگىن پارلامەنت ءماجىلىسىنىڭ جالپى وتىرىسىندا قر ۇلتتىق ەكونوميكا ءمينيسترى تيمۋر سۇلەيمەنوۆ مالىمدەدى. «حالىقارالىق تاجىريبە كورسەتكەندەي, جەرگىلىكتى ءوزىن-ءوزى باسقارۋ جۇيەسىن دامىتۋ - ەكونوميكالىق وركەندەۋدىڭ, الەۋمەتتىك ءال-اۋقات پەن ازاماتتىق قوعامدى قالىپتاستىرۋدىڭ بىردەن-ءبىر شارتى بولىپ تابىلادى. قازاقستاندا جەرگىلىكتى ءوزىن-ءوزى باسقارۋدى دامىتۋ تۇجىرىمداماسى قابىلدانعان. ونىڭ نەگىزىنە جەرگىلىكتى ءوزىن-ءوزى باسقارۋدىڭ ەۋروپالىق حارتياسىندا بەكىتىلگەن مۋنيتسيپيالدىق دەموكراتيا مەن مۋنيتسيپيالدىق باسقارۋدىڭ جالپىعا بىردەي تانىلعان قۇندىلىقتارى سالىنعان», - دەدى ۆەدومستۆو باسشىسى. وسى تۇجىرىمدامادا قازاقستان رەسپۋبليكاسىنداعى جەرگىلىكتى ءوزىن-ءوزى باسقارۋدى دامىتۋ ەكى كەزەڭگە بولىنگەن: ءبىرىنشى كەزەڭ (2013-2014 جىلدار) - باسقارۋدىڭ تومەنگى دەڭگەيلەرىندەگى قولدانىستاعى جۇيەنىڭ الەۋەتىن كەڭەيتۋ; ەكىنشى كەزەڭ (2015-2020 جىلدار) - جەرگىلىكتى ءوزىن-ءوزى باسقارۋدى ودان ءارى دامىتۋ. «سىزدەرگە ۇسىنىلىپ وتىرعان جەرگىلىكتى ءوزىن-ءوزى باسقارۋدى دامىتۋ ماسەلەلەرى جونىندە زاڭ جوباسىندا (بۇدان ءارى-زاڭ جوباسى) جەرگىلىكتى ءوزىن-ءوزى باسقارۋدىڭ دەربەس بيۋدجەتى مەن كوممۋنالدىق مەنشىگىن ەنگىزۋ, جەرگىلىكتى ءوزىن-ءوزى باسقارۋ ورگاندارىنىڭ بيۋدجەت پروتسەسى مەن كوممۋنالدىق مەنشىكتى باسقارۋداعى وكىلەتتىكتەرىن كەڭەيتۋ كوزدەلگەن. زاڭ جوباسىمەن بيۋدجەت, سالىق جانە ازاماتتىق كودەكستەرگە, «مەملەكەتتىك م ۇلىك تۋرالى», «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى», «جارناما تۋرالى» قازاقستان رەسپۋبليكاسىنىڭ زاڭدارىنا وزگەرىستەر مەن تولىقتىرۋلار ەنگىزىلەدى», - دەدى مينيستر.