استانادا شولۋ دوڭگەلەگى شىلدەدە پايدالانۋعا بەرىلەدى

اعىمداعى جىلدىڭ شىلدە ايىندا ەلوردادا اكۆاپارك پەن شولۋ دوڭگەلەگى پايدالانۋعا بەرىلەدى, دەپ حابارلادى قازاقپارات استانا قالالىق ساۋلەت جانە قالا قۇرىلىسى باسقارماسىنا سىلتەمە جاساپ. باسقارما مالىمەتى بويىنشا, قورعالجىڭ تاس جولى بويىنداعى «دۋمان» ويىن-ساۋىق ورتالىعىنا اكۆاپارك پەن شولۋ دوڭگەلەگىن ورناتۋ ارقىلى قايتا جاڭعىرتۋ جۇمىستارى جۇرگىزىلۋدە. تاپسىرىستى «Alem-Projekt» جشس-ءى بەرگەن. ال باس مەردىگەر - «قازدامۋ Invest» جشس. شولۋ دوڭگەلەگىنىڭ بيىكتىگى - 65 مەتر. دوڭگەلەك پانورامدى جارىقپەن جابدىقتالعان. وندا جەلدەتۋ جانە جىلىتۋ جۇيەلەرىنە قوسىلعان 32 كابينا جانە جايلىلىعى جوعارى 4 كابينا بولادى. كورۋ دوڭگەلەگى جىل بويى جانە كۇنى-ءتۇنى جۇمىس ىستەمەك. ال اكۆاپارك اۋماعى 6874 شارشى مەتر. وعان اكۆاپارك, كيىم اۋىستىراتىن ورىندار, قابىلداۋ بولمەسى, تاماقتانۋ الاڭى سالىنادى. جىلىنا 240 مىڭ ادامعا قىزمەت كورسەتەدى. بۇل نىساندار اعىمداعى جىلدىڭ شىلدە ايىندا پايدالانۋعا بەرىلمەك.