2016 جىلى وقو سپورت سالاسىنا 10,9 ملرد تەڭگە بولگەن

وڭتۇستىك قازاقستان وبلىسىندا 2016 جىلى سپورت سالاسىنا 10,9 ملرد تەڭگە باعىتتالىپ, بۇل 2015 جىلمەن سالىستىرعاندا 28 پايىزعا ارتقان, دەپ حابارلادى وبلىس اكىمدىگىنىڭ ءباسپاسوز قىزمەتى. مەملەكەت تاراپىنان سپورتشىلارعا جاسالعان جاعدايدىڭ ارقاسىندا رەسپۋبليكالىق چەمپيوناتتار مەن بىرىنشىلىكتەردە وبلىس سپورتشىلارى 399 التىن, 395 كۇمىس, 391 قولا مەدالعا قول جەتكىزسە, ازيا چەمپيوناتتارىندا وبلىس سپورتشىلارى 46 التىن, 46 كۇمىس جانە 37 قولا مەدالگە يە بولدى. ال, الەم چەمپيوناتتارى مەن كۋبوكتارىندا 46  التىن, 19 كۇمىس جانە  29  قولا مەدال جەڭىپ الدى. ايتا كەتەرلىگى, جالپى وبلىستا دەنە شىنىقتىرۋ مەن سپورتتى دامىتۋ باعىتىندا 87 مەملەكەتتىك سپورت مەكەمەلەرىندە 2399 بىلىكتى جاتتىقتىرۋشى 53678 سپورتشىمەن كۇندەلىكتى وقۋ-جاتتىعۋ جۇمىستارىن جۇرگىزۋدە. 2016 جىلدىڭ قورىتىندىسى بويىنشا وبلىستا 5350 سپورت نىساندارى تىركەلىپ, 2015 جىلمەن سالىستىرعاندا 172 نىسانعا ارتقان.