يتاليا مەن يسپانياداعى اۋا رايىنىڭ قولايسىزدىعى سولتۇستىك ەۋروپا ەلدەرىندە كوكونىس تاپشىلىعىنا اكەلۋى مۇمكىن. سەبەبى كۇن كوزىنىڭ شىقپاۋى مەن اۋا رايىنىڭ سالقىندىعى كوكونىس شىعىمىنا كەرى اسەرىن بەرىپ جاتىر, دەپ جازادى ۆۆس. اسىرەسە, اسقاباق پەن ۇشپا ەگەتىندەر كوپ زارداپ شەككەن.
باسىلىمنىڭ حابارلاۋىنشا, يسپانيانىڭ وڭتۇستىك شىعىسى مەن يتاليانىڭ وڭتۇستىگىندە قىرىققابات ەگىستىگى تۇگەلدەي دەرلىك شىعىنعا ۇشىراعان.
يسپانيانىڭ مۋرسيا وڭىرىندە بۇرىش ەگىستىگى جاۋىننىڭ كوپتىگىنەن شىقپاي قالعان. يسپانيانىڭ بۇل ءوڭىرى قىسقى ماۋسىمدا ەۋروپا سۇرانىسىنىڭ 80 پايىزىن جاباتىنى بەلگىلى.
قازىرگى تاڭدا ەۋروپا ساۋدا ورىندارى ەندى كوكونىستى ساتىپ الاتىن ەۋروپا مەن اقش-تاعى وزگە دە كوزدەردى ىزدەستىرۋدە. الايدا, بريتانيادا قازىردىڭ وزىندە باعا 25-40% قىمباتتاپ كەتتى. جىل سوڭىنا قاراي بۇل كورسەتكىش تاعى ۇلعايۋى مۇمكىن.
Tesco بولشەك ساۋدا جەلىسى وكىلدىگىنىڭ مالىمەتىنشە, الداعى ۋاقىتتا تاپشىلىق بولۋى ابدەن مۇمكىن.
