استانادا بيىل 1100 پاتەر پايدالانۋعا بەرىلەدى

اعىمداعى جىلى ەلوردادا جالپى اۋدانى 57 مىڭ شارشى مەتردى قۇرايتىن 1100 پاتەر قۇرىلىسى اياقتالادى, دەپ حابارلادى قازاقپارات استانا قالالىق ساۋلەت جانە قالا قۇرىلىسى باسقارماسىنا سىلتەمە جاساپ. «2017 جىلى وڭىرلەردى دامىتۋدىڭ 2020 جىلعا دەيىنگى باعدارلاماسىن ىسكە اسىرۋ اياسىندا تۇرعىن ءۇي قۇرىلىسى باعىتى بويىنشا تۇرعىنۇيقۇرىلىسجيناقبانكى ارقىلى جالپى اۋدانى 25 مىڭ شارشى مەتردى قۇرايتىن 444 پاتەر قۇرىلىسى اياقتالاتىن بولادى», - دەلىنگەن باسقارما اقپاراتىندا. اتاپ ايتقاندا, برۋسيلوۆسكي, يمانوۆ, جۇمانوۆ كوشەلەرى قيىلىسىندا جالپى اۋدانى 3,9 مىڭ شارشى مەتردى قۇرايتىن 96 پاتەرلىك تۇرعىن ءۇي سالىنادى. ونىڭ جاناما سالىنعان ورىنجايلارى مەن كولىك تۇراعى بار. ال جوبالىق اتاۋلارى №23-31, 23-16, 23-17, 23-30, ا98 كوشەلەرى قيىلىسىندا جالپى اۋدانى 6,1 مىڭ شارشى مەتردى قۇرايتىن 99 پاتەرلىك تۇرعىن ءۇي بوي كوتەرەدى.  جوعارىدا اتالعان جوبالىق كوشەلەردىڭ بويىندا مۇنان بولەك تاعى 2 ءۇي سالىنادى. ونىڭ ءبىرى جالپى اۋدانى 6,1 مىڭ شارشى مەتردى قۇرايتىن 99 پاتەرلىك, ال ەكىنشىسى جالپى اۋدانى 9,4 مىڭ شارشى مەتردى قۇرايتىن 150 پاتەرلىك تۇرعىن ءۇي كەشەندەرى. مۇنان بولەك, بيىل جەرگىلىكتى اتقارۋشى ورگاننىڭ وبليگاتسياسىن شىعارۋ جولىمەن داعدارىسقا قارسى جوسپار اياسىندا جالپى اۋدانى 32 مىڭ شارشى مەتردى قۇرايتىن 656 پاتەرلىك ەكى تۇرعىن ءۇي قۇرىلىسى اياقتالادى. ونىڭ ءبىرى قوشقارباەۆ كوشەسى مەن جۇماباەۆ داڭعىلدارى قيىلىسىندا ورنالاسقان. تۇرعىن ءۇي كەشەنىنىڭ جالپى اۋدانى 14,96 مىڭ شارشى مەتر. مۇندا 292 پاتەر بولادى. ءدال وسى كوشەلەردىڭ قيىلىسىنداعى جالپى اۋدانى 16,93 مىڭ شارشى مەتردى قۇرايتىن ەكىنشى تۇرعىن ءۇي كەشەنىندە 364 پاتەر بولادى.