ەاەو-عا باج سالىعىنسىز كەلەتىن تاۋارلار ءتىزىمى بەكىتىلدى

ەۋرازيالىق ەكونوميكالىق كوميسسيانىڭ (ەەك) كەڭەسى ەڭ كەنجە دامىعان 49 مەملەكەتتەن جانە 104 دامۋشى ەلدەن كەلەتىن كەدەندىك باج سالىعى 25% تومەندەيتىن نەمەسە مۇلدەم الىنىپ تاستالاتىن تاۋارلار ءتىزىمىن بەكىتتى. بۇل تۋرالى ەەك ءباسپاسوز قىزمەتى حابارلادى. ءتىزىم بۇكىلالەمدىك ساۋدا ۇيىمىنىڭ IX مينيسترلەر كونفەرەنتسياسىنداعى ەڭ كەنجە دامىعان ەلدەردىڭ تاۋارلارىنا قولجەتىمدىلىكتى ىرىقتاندىرۋ جونىندەگى ۋاعدالاستىقتاردى جۇزەگە اسىرۋ اياسىندا قۇرىلدى. دايىندالعان ءتىزىم تاريفتىك ارتىقشىلىقتارعا يە تاۋارلاردى (ەت جانە قوسالقى تاعامدار, بالىق, ءسۇت ونىمدەرى, بال, جەمىستەر, جاڭعاقتار, كوفە, شاي, كۇرىش, دامدەۋىشتەر, كاكاو بۇرشاقتارى, كوللەكتسيالاۋ جانە انتيكۆاريات بۇيىمدارى, باعالى مەتالدار مەن مارجان, قولدان توقىلعان كىلەمدەر) جانە از دامىعان ەلدەردە تاريفتىك ارتىقشىلىق كەڭەيتىلگەن تاۋارلاردى (قارا جانە ءتۇستى مەتاللدار, ماشينا قۇرىلىسى ونىمدەرىنىڭ كەي تۇرلەرى) قامتيدى. «ەشقانداي باج سالىعىنسىز كەلەتىن تاۋارلار سانى بارلىق نومەنكلاتۋرانىڭ 62% قۇراعان. الداعى ۋاقىتتا باج سالىعىنسىز قولجەتىمدىلىكتى تاۋار نومەنكلاتۋراسىنىڭ 97%-عا دەيىن كوتەرۋدى جوسپارلاپ وتىرمىز», -  دەپ مالىمدەدى ەەك القاسىنىڭ مۇشەسى ۆەرونيكا نيكيشينا.