ءوزارا ءتيىمدى شەشىمدەرگە قول جەتكىزىلدى

قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى اسقار مامين بەينەكونفەرەنتسيا رەجىمىندە ەۋرازيالىق ەكونوميكالىق كوميسسيا كەڭەسىنىڭ كەزەكتى وتىرىسىنا قاتىستى, دەپ حابارلادى پرەمەر-ءمينيستردىڭ ءباسپاسوز قىزمەتى. وتىرىستىڭ كۇن تارتىبىندە  19 ماسەلە قاراستىرىلدى. تالقىلاۋ قورىتىندىسى بو­يىنشا قاتىسۋشى ەلدەر ەۋرازيالىق ەكونوميكالىق وداقتاعى (ەاەو) كەدەندىك-تاريفتىك رەتتەۋ, ونەركاسىپ جانە اوك, ەنەرگەتيكا, زياتكەرلىك مەنشىك جانە اقپاراتتاندىرۋ سالالارىنداعى بىرقاتار ماڭىزدى شەشىمدەر قابىلدادى. كوميسسيا كەڭەسىنىڭ وتىرىسى با­رىسىندا ەاەو-عا مۇشە مەم­لەكەتتەردەگى اۋىل شارۋاشىلىعىنا ارنالعان ماشينالار مەن جابدىقتار ءوندىرىسىن جانە ەكسپورتىن دامىتۋ ماسەلەلەرىنە باسا كوڭىل ءبولىندى. اتال­عان ماسەلەلەردى ەۋرا­زيا­لىق ەكو­نوميكالىق وداققا مۇشە مەم­­لەكەت­تەردىڭ ۇكىمەت باس­شى­- لارى­­نىڭ قا­راۋىنا ەنگىزۋ جوس­پار­لانعان. بۇدان وزگە, ەۋرازيا دامۋ بانكىنىڭ ينتەگراتسيالىق الەۋەتكە يە كووپەراتسيالىق جوبالاردى دامىتۋدى قارجىلاندىرۋ ماسەلەلەرى تالقىلاندى. كەڭەس مۇشەلەرى ءتيىستى كووپەراتسيالىق جوبالاردى قاراۋ مەن ىرىكتەۋ ءۇشىن جۇمىس توبىن قۇرۋ تۋرالى وكىم قابىلدادى. اتالعان شەشىمدەردى ىسكە اسىرۋ ەاەو-عا مۇشە مەملەكەتتەردىڭ بارلىعىنىڭ جالپى ونەركاسىپتىك دامۋىنا سەپتىگىن تيگىزەدى