ساپا جوعارىلاپ, شاعىم ازايادى

جوعارعى سوتتا «زاڭدىلىق» اتتى سوت پەن پروكۋراتۋرانىڭ اقپاراتتىق-تالدامالىق جۇيەسىنىڭ جوباسى تانىستىرىلدى جوعارعى سوت توراعاسى قايرات ءمامي مەن باس پروكۋرور جاقىپ اسانوۆ «زاڭدىلىق» اتتى سوت پەن پروكۋراتۋرانىڭ اقپاراتتىق-تالدامالىق جۇيەسى جوباسىنىڭ تانىستىرىلىمىنا قاتىستى, دەپ حابارلادى  جوعارعى سوت پەن باس پروكۋراتۋرانىڭ ءباسپاسوز قىزمەتتەرى. كەزدەسۋگە قازاقستانداعى قىلمىس­تىق سوت تورەلىگىن جەتىلدىرۋ جونىندەگى ەۋروپالىق وداق جوباسىنىڭ وكىلدەرى, بەينەبايلانىس ارقىلى – وڭىرلىك سۋديالار مەن پروكۋرورلار قاتىستى. كەزدەسۋدى اشا كەلە, قايرات ءمامي سوت تورەلىگىن جۇزەگە اسىرۋ پروتسەسىنە اق­پا­راتتىق تەحنولوگيالاردى ەنگىزۋ سوت قور­عاۋىنا قولجەتىمدىلىكتى ايتار­لىق­تاي جەڭىلدەتەتىنىن, بىرىڭعاي سوت پراكتيكاسىن قالىپتاستىرىپ, قۇقىقتىق ايقىندىلىق قاعيداتىن قامتاماسىز ەتۋگە ىقپال ەتەتىنىن ايتا كەلە, «جاڭا ەلەكتروندى سەرۆيستەردىڭ ارقاسىندا ءبىز ازاماتتاردى «سوت ساتىلارى بويىنشا ارتىق جۇرۋدەن» قۇتقاردىق. وتكەن جىلى «سوت كابينەتى» ارقىلى سوتتارعا 756 435 ەلەكتروندى قۇجات كەلىپ ءتۇستى. وسى جولى تانىستىرعالى وتىرعان «زاڭدىلىق» جۇيەسى قىلمىستىق پروتسەسكە «اقىل­دى تەحنولوگيالاردى» ەنگى­زۋ­­دەگى كەزەكتى قادام بولىپ تابى­لادى. ءبىز­­دىڭ باستى ماقساتىمىز – تۇر­عىن­دار ءۇشىن جەڭىل ءارى ىڭعايلى قۇرال­دار قۇرۋ», – دەدى. كەزدەسۋدە سويلەگەن سوزىندە جاقىپ اسا­نوۆ باس پروكۋراتۋرانىڭ جاڭا يننو­ۆا­تسيالىق ازىرلەنىمى – «زاڭدىلىق» اق­پاراتتىق-تالدامالىق جۇيەسىن تانىس­تىردى. ول ءوز سوزىندە بۇل جوبا بىرىڭعاي سوت پراكتيكاسىن قالىپتاستىرۋعا جانە قىلمىستىق پروتسەستىڭ اشىقتىعىن ارتتىرۋعا, سۋديالار مەن پروكۋرورلارعا – قىل­مىستىق زاڭناما نورمالارىن قول­دانۋدىڭ دالدىگىن تەكسەرۋگە مۇمكىندىك بەرەتىنىن اتاپ ءوتتى. «ءبىز 50 جىل بويى عارىشقا ۇشىپ ءجۇرمىز. ۇيلەر ۇيالى تەلەفون ارقىلى باسقارىلادى. تەحنولوگيالار بارلىق جەردە – ۇيدە, كوشەدە, كولىكتە, جۇ­مىستا. مۇنىڭ بارلىعى ادامدارعا ىڭ­عاي­لى بولۋ ءۇشىن جاسالعان. ال قىلمىس­تىق ىستەردى ءالى كۇنگە دەيىن قاعازدا ءجۇر­گى­زەمىز, ءالى كۇنگە دەيىن قارا  قا­لام­مەن اق قاعازعا جازىپ ءجۇرمىز دەپ اي­تۋعا بولادى. كيبەرداۋىردە ازامات­تاردىڭ قۇقىقتارىن ءبىزدىڭ كونسەر­ۆاتيۆتى جۇمىسىمىزعا تەحنولوگيالاردى كەڭى­نەن ەنگىزە وتىرىپ قورعاۋدىڭ ۋا­قىتى جەتتى. «زاڭدىلىق» ااج مۇ­نىڭ قولىمىزدان كەلەتىنىن كورسەتتى. شىن مانىندە, ءبىر جاعىنان, ارتىق قا­عاز­­باس­­تىلىقتان ارىلامىز. ەكىنشى جا­عى­­نان, ادام فاكتورىن جويامىز, بۇل – وتە ما­ڭىزدى دەپ اتاپ ءوتتى باس پروكۋرور. «زاڭدىلىق» جوباسىنىڭ ماقساتى – سوتقا دەيىنگى تەرگەپ-تەكسەرۋدىڭ ءبىرىڭ­عاي ءتىزىلىمى مەن سوت ورگاندارىنىڭ «ءتو­رە­لىك» اقپاراتتىق-تالدامالىق جۇيە­سىن ينتەگراتسيالاۋ ەسەبىنەن قىلمىس­تىق پروتسەستىڭ ساپاسىن ارتتىرۋ. جوبا بىرقاتار ۇيىمداستىرۋشىلىق راسىمدەر اياقتالعان سوڭ 2017 جىلدىڭ ءشىل­دە­سىندە قولدانىسقا ەنگىزىلەدى.