اتتەستاتتاۋدان وتەدى

وڭىرلىك كوممۋنيكاتسيالار قىز­مەتىندەگى ءباسپاسوز ءماسليحاتىندا اقمولا وبلىستىق مەملەكەتتىك قىزمەت ىستەرى جانە جەمقورلىققا قارسى ءىس-قيمىل دەپارتامەنتىنىڭ باسشىسى بەرگەن بەسپالينوۆ «ب» كورپۋسىنىڭ 3224 وكىلى كە­شەن­دى اتتەستاتتاۋدان وتەتىنىن حابارلادى. – قازاقستاندا «100 ناقتى قادام» – ۇلت جوسپارىن جۇزەگە اسى­رۋعا باعىت­تالعان كەڭ كولەمدى جۇمىس­تار جۇرگىزى­لۋدە, – دەدى دەپار­تامەنت باسشىسى. – بەس ينستيتۋت­تىق رەفورمانىڭ 15-قادا­مى زاما­ناۋي مەملەكەتتىك اپپاراتتى قالىپ­تاس­تىرۋدى كوزدەيدى. وسىعان بايلا­نىستى اكىمشىلىك مەملەكەتتىك قىزمەت­تىڭ ساپاسىن باعالاۋ مەن اتالعان قىز­مەتتىڭ تۇپكى ناتيجەسىنىڭ ءتيىمدى­لىگىن ايقىندايتىن كەشەندى اتتەس­تاتتاۋ وتكىزىلەدى. ماقسات – «ب» كور­پۋسى وكىلدەرىنىڭ كاسىبي دايارلىعى مەن اتقارىپ وتىرعان لاۋازىمىنا سايكەستىگىن انىقتاۋ. بريفينگ بارىسىندا بۇگىنگى كۇنى وبلىستاعى 706 مەملەكەتتىك ورگاندا 5961 ادام قىزمەت اتقاراتىنى بەلگىلى بولدى. وكىلەتتى ورگان بەلگىلەگەن كەس­تەگە ساي, جەكەلەگەن ساناتتاردى قوس­پاعاندا, 3224 مەملەكەتتىك قىزمەتكەر اتتەستاتتاۋدان وتكىزىلۋگە جاتادى. اتتەستاتتاۋدىڭ ماڭىزدىلىعى مەن وتكىزىلۋ ءتارتىبىن تۇسىندىرە كەلە, ب.بەسپالينوۆ بىلاي دەپ اتاپ كور­سەتتى: «اتتەستاتتاۋ مەملەكەتتىك قىز­مەتكەردىڭ كاسىبي, ەتيكالىق الەۋەتىن جان-جاقتى ايقىندايدى. سوندىقتان, اتالعان شارانى وتكىزۋ بارىسىندا اتتەستاتتاۋ كوميسسياسىنان ءتيىستى شە­شىم قابىلداۋدا وبەكتيۆتىلىك پەن ءوز جۇمىسىنىڭ اشىقتىعى تالاپ ەتىلەدى».  باقبەرگەن امالبەك, جۋرناليست اقمولا وبلىسى