وتكىرلىك پەن ومىرشەڭدىك

يدەيا ۇلكەن ميسسيا كوتەرەدى. كوركەم تۋىندىنىڭ تۇپكى ايتار ويى ماڭىزدى. تابيعا­تىن ءتۇسىنۋ ءۇشىن. «الماس قىلىش» ءفيلمىنىڭ ماز­مۇنى­نان, كوركەمدىك ساپاسىنان بۇرىن استارلى ويىن وقۋ ماڭىزدىراق. ءوزىمىزدى تانۋ ءۇشىن. بولمىسىمىزدى. ماق­ساتى­مىزدى. مۇددەمىزدى. وتكەنگە تارتىس تۋدىرىپ قاجەت ەمەس. ونىڭ كۋاگەرلەرى جوق. تاريحي ايعاق بار. بۇل ءبىزدىڭ كەڭ بايتاق جەرىمىز. شەكارامىز. ەنشىمىز. جەڭىس ءار ۇلتقا دا قاجەت. تاۋەلسىزدىگى ءۇشىن. تىنىشتىعى ءۇشىن. ەركىندىگى ءۇشىن. جەر مەن شەكارا ءۇشىن ءمامى­لەگە كەلۋ قيىن. اركىم ءوز ءمۇد­دەسى ءۇشىن كۇرەسەدى. قازاق حان­دىعىن قۇرۋدىڭ تۇپكى ماقساتى دا وسى ەدى. تاۋەلسىزدىك ءۇشىن. قان توگىلگەن. قانشا عاسىر. كۇرەس جۇرگەن. جەر شارىندا جەر كوپ. بىراق, پەيىل تار. وسى پەيىل­دەر­دىڭ سوعىسى ساياساتپەن ولشەنەدى. مىنەزسىز شەشىلمەيدى. اقىل-پاراساتسىز ايقىندالمايدى. كورەگەندىكسىز كەلەشەگىڭ كورىن­بەيدى. كوشباسشىسىز كوشىڭ ماق­ساتتى جەرىنە جەتپەيدى. كەرەي مەن جانىبەكتىڭ كۇرەسىنىڭ جالعىز ءمانى دە وسى. فيلمدە ءبىز نازار اۋداراتىن باستى قۇندىلىق بار. وتە ۇتىمدى تەڭەۋ. دۇرىس بولجام. ناقتى مىنەزدەمە. رۋحىمىزعا. بولمىسىمىزعا. بۇل جازۋشى ءىلياس ەسەنبەرليننىڭ تاقىرىپ تاڭداۋداعى ۇتىمدىلىعى. ءبىزدىڭ الماستاي وتكىرلىگىمىز. تەڭدەسسىز ايبىنىمىز. ولىسپەي بەرىسپەيتىن مىنەزىمىز. ۇلكەننىڭ جولىن كەسپەگەن ىزگى نيەتىمىز. اعاعا ءىنى قۇلاق تۇرگەن, ۇلكەنگە كىشى ارقا سۇيەگەن زامان. بىرلىگى ءۇشىن بىرىككەن, تىنىشتىعى ءۇشىن جۇمىلا كۇرەسكەن. ۋادە­گە بەرىك بولعان. وزىنە سەنگەن­نىڭ سويىلىن سوققان. سەم­سەرىن سەبەپسىز سەرمەمەگەن. ەكران­داعى تاريح بەتتەرى وسى قاسيەت­تەرىمىزدى قايتا ەسكە سالدى. فيلم يدەياسىنىڭ ورەسى جەتكەن كورەرمەنگە اقىرىن اقتاراتىن سىرى بار. باستى كىلت – الماس قىلىشتا. الداعى ماقساتىمىزدى ەسكە سالاتىن. كۇشپەن كوپ نارسەنى ۇستاپ تۇرۋ مۇمكىن ەمەس. بىلەكتىڭ كۇشىمەن. فيلمدەگى باستى يدەيا وسىندا. قاۋقارىمىز باسقادا. الماس قىلىشتاي وتكىر مىنەزىمىزدى قولدانۋدىڭ باسقا دا ۇتىمدى جولى بار. ونىڭ كۇشى – بىلىمدە. ەندىگى ماقسات – الماس تاسپەن كومكەرىلگەن ءتاج كيۋ. الەمدىك ساياساتتىڭ ساحناسىندا. اقىل, ءبىلىم, دانالىقتىڭ بار كۇشى وسى ماقساتقا جۇمىل­دىرىلسا يگى. ءبىز كورەگەن ۇلتتىڭ ۇرپاعىمىز. ماڭگىلىك ەلگە اينالۋ باستى مۇددەمىز. «الماس قىلىش» يدەياسىنىڭ بار ايتپاعى دا وسىندا. گۇلزات كوبەك, كينوتانۋشى, ونەرتانۋ PhD دوكتورى, تۇران ۋنيۆەرسيتەتىنىڭ پروفەسسورى