قايراتكەردىڭ ومىردەرەگى

قازاقستان رەسپۋبليكاسى پرەزيدەنتىنىڭ ارحيۆىنە مەملەكەت جانە قوعام قايراتكەرى بايكەن ءاشىموۆتىڭ قۇندى قۇجاتتارى كەلىپ ءتۇستى. جەكە تۇلعالاردىڭ, سونىڭ ىشىندە جاۋاپتى قىزمەتتەردى اتقارا وتى­رىپ, قازاقستاننىڭ قا­لىپتاسۋى مەن دامۋىنا سۇبەلى ۇلەس قوس­قان ازاماتتاردىڭ ءومىر­بايان­ىنسىز مەملەكەت تاري­حى تولىقپايدى. سون­دىق­تان پرەزيدەنت ا­ر­حيۆ­ىندە قورلاردىڭ بەل­گىلى مەملەكەت جانە قو­عام قايراتكەرلەرىنىڭ قۇ­جات­تا­رىمەن تولىعۋىنا ەرەكشە ءمان بەرىلەدى. قازىرگى ۋا­قىتتا ارحيۆتە 85 جەكە تەكتىك قور بار. جەكە قورلار كەڭەستىك داۋىردەگى جانە قازىرگى زامانعى ساياسي ەليتا وكىلدەرىنىڭ قىزمەتى مەن ءومىر تاريحىن جانە ولاردىڭ قازاقستاننىڭ دامۋىنا قوسقان ۇلەسىن كورسەتەتىن تەڭدەسسىز جيناق كوزدەرى بولىپ تابىلادى. جاقىندا قازاقستان رەسپۋبليكاسى پرەزيدەنتىنىڭ ءارحيۆى بەلگىلى مەملەكەت جانە قوعام قايراتكەرى بايكەن ءاشىم ۇلى ءاشىموۆتىڭ (1917-2010 ج.ج.) جەكە قورىمەن تولىقتى. ار­حيۆ­كە قور قۇجاتتارىن ونىڭ ۇلى وڭداسىن بايكەن ۇلى ءاشىموۆ تاپسىردى. بايكەن ءاشىم ۇلى ءاشىموۆ (1917-2010 جج.) – اقمولا وبلىسىندا تۋعان  كورنەكتى مەملەكەت جانە قوعام قاي­راتكەرى, 1970 جىلدان 1984 جىل­عا دەيىن  قازاق كسر مينيسترلەر كە­ڭەسىنىڭ توراعاسى قىزمەتىن ات­قار­دى. بايكەن ءاشىم ۇلىنىڭ كەلەسى تا­عاي­ىنداۋلارى دەپۋتاتتىق قىز­مەت­پەن باي­لانىس­تى: قازاق كسر جوعارعى كە­ڭەسى پرەزيديۋمىنىڭ توراعاسى (1984-1985 جج.), كسرو جوعارعى كەڭەسى دەپۋتاتى, كسرو جوعارعى كەڭەسى توراعاسىنىڭ ورىنباسارى (1984-1985جج.) بولىپ قىزمەت ەتتى. بايكەن ءاشىم ۇلىنىڭ ۇلى وتان سوعىسىنا قاتىسقان جىلدارىن اتاپ وتكەنىمىز ءجون بولار.ول 1942-1945 جىلدارى 370-ءشى اتقىشتار ديۆيزياسىندا, 76-شى قىزىل تۋىن اتقىشتار ديۆيزياسىندا اسكەر قاتا­رىن­دا اسكەري بورىشىن وتە­دى. سانداعان سۇرا­پىل شاي­قاس­تار­دى باسى­نان وتكەردى. ارحيۆكە تاپ­سى­رىل­­عان قۇجاتتاردىڭ ارا­­سىندا ۇلى وتان سو­­عىسى كەزىندە كە­ڭەس وداعى قارۋلى كۇشتەرىنىڭ جوعارعى باس قول­­باسشىسى ي.­ستا­لين­­­­نىڭ اتىنان بە­رىل­­گەن العىس حاتتار, كوۆەل قالاسىن جانە ۆارشاۆا ماڭىنداعى پراگا بەكىنىسىن ازات ەتۋدەگى ۇزدىك جاۋىن­گەرلىك قيمىلدارى ءۇشىن جاۋىنگەرلىك ناگراداعا بەرىلگەن ماراپاتتاۋ كىتاپشاسى قۇندى بولىپ تابىلادى. قابىلدانعان قۇجاتتاردىڭ اۋ­قىمدى بولىگىندە ب.ءاشىموۆتىڭ قىز­مەتتىك ءومىرىن بەينەلەيتىن قۇ­جاتتار توپ­تاماسى جينالعان, ولار­دىڭ ىشىندە باياندامالار, ءسوي­لەگەن ءسوز­دەرىنىڭ, ماقالا­لا­رى­نىڭ قول­جاز­باسى, ەڭبەك قىزمەتى, 1977 جىلى سوتسياليستىك ەڭبەك ەرى قۇرمەتتى اتاعىن بەرۋ تۋرالى, قۇتتىقتاۋ حاتتار جانە باس­قا­لارى بار. قازاقستان رەسپۋبليكاسى پرەزي­دەن­تى ءارحيۆىنىڭ قازاقستاننىڭ مەملەكەت جانە قوعام قايراتكەرلەرى تۋ­رالى ومىرباياندىق زەرتتەۋلەر­گە ارنالعان دەرەككوزدەر بازاسى جىلدان-جىلعا اسا قۇندى قۇجات­تارمەن تولىقتىرىلىپ كەلەدى. سون­دا جيناقتالعان مالىمەتتەر زەرت­تەۋشىلەرگە مەملەكەت تاريحىمەن قاتار, مەملەكەت جانە قوعام قاي­راتكەرى بايكەن ءاشىم ۇلى ءاشىموۆ سياق­تى بەلگىلى تۇلعالاردىڭ ءومىر جولدا­رىمەن تانىسۋعا مۇمكىندىك بەرەدى. ءشامسيا تولەۋوۆا, قازاقستان رەسپۋبليكاسى پرەزيدەنتى ءارحيۆىنىڭ باس ساراپشىسى الماتى