ىرگەلى ىزدەنىستەر ىرىكتەلەدى

كەشە پرەزيدەنت جانىنداعى مەملەكەتتىك باسقارۋ اكادەمياسى مەن  يتاليانىڭ قازاقستانداعى ەلشىلىگى جانە «LATTANZIO Group» كونسالتينگتىك كومپانياسى بىرلەسىپ, «II Buon Governo» ء(تيىمدى ۇكىمەت) گرانتىن الۋ ءۇشىن قازاقستان جاستارى اراسىندا ەلىمىزدە جۇرگىزىلىپ جاتقان قازىرگى رەفورمالارعا ارنالعان ۇزدىك زەرتتەۋ جۇمىستارىن جازۋعا كونكۋرس وتكىزىلەتىندىگىن جاريا ەتتى. اتالعان گرانت جاستاردىڭ ىزدەنىسىن ىنتالاندىرىپ, جاقسى ءنا­تيجەلەرگە قول جەتكىزۋگە مۇ­رىن­­دىق بولماق. اسىرەسە, «100 نا­ق­تى قادام» – ۇلت جوسپارىنىڭ 1 جانە 5-قادامدارىن ءىس جۇزىنە اسى­رۋعا مۇمكىندىك بەرەتىنى اتال­دى. باس گرانت: ايىنا 800 ەۋرو تولەنەتىن 6 ايلىق زەر­ت­­­تەۋ جۇمىستارى, سونىڭ ءىشىن­­­­دە ءبىر ايىن يتاليانىڭ ءۇز­­دىك ساراپتامالىق-تالداۋ ورتا­­­لىعىندا وتكىزۋ كوزدەلسە, ونىڭ قارجىلاندىرىلۋىن «LATTANZIO Group» كومپا­نيا­­سى ءوز موينىنا الادى. ۇسى­نىل­­عان جۇمىستار اراسىنان 6 ءۇز­­دىك دەپ تانىلعاندارى عانا تاڭ­دالىپ الى­ناتىندىعىن ايتا كەت­كەن ءجون. پرەزيدەنت جانىنداعى را­قىم­­­شىلىق ماسەلەلەرى ءجو­نىن­دە­گى كوميسسيانىڭ ءتورايىمى زينايدا فەدوتوۆا ءوز سوزىندە مەملەكەتتىك قىزمەتكە جاڭا تالانتتى جاستاردى تارتۋ ماسەلەسى وتكىر تۇرعاندىعىن ءسوز ەتە كەلىپ, جەكە سەكتورلاردا ءجا­نە شەت ەلدەردەگى ۇيىمداردا جۇ­مىس ىستەيتىن ەلىمىزدىڭ جاس ازاماتتارىن كەڭىنەن تارتۋ كە­رەك­تىگىنە نازار اۋدارتتى. كەيبىر قىز­­مەت­تەر­گە شەتەلدىك مەنەدجەرلەر تار­تىلۋى مۇمكىندىگى دە اتالماي قال­عان جوق. سوندىقتان دا جاس عا­لىمدارعا قازىرگى مەملەكەتتىك باسقارۋ جۇيەسىندەگى تيىمدىلىكتى زەرتتەۋدە كوپتەگەن باعىتتار بارلىعى دا قاپەرگە سالىندى. اكادەميانىڭ وقۋ جۇمىسى ءجا­نە اقپاراتتىق تەحنولوگيا­لار جونىندەگى ۆيتسە-رەكتورى التاير احمەتوۆ قازاقستاندىق جاس­­تاردى اتالعان جوباعا بەل­سەن­دى قاتىسۋعا شاقىردى. بۇل مەملەكەتتىك اپپاراتتى جەتىلدىرىپ, سونىڭ ارقاسىندا ەلىمىزدى دامىتۋدا ايرىقشا ماڭىزدى ەكەندىگىن العا تارتتى. وسىنداي بايقاۋلاردىڭ سوڭ­عى جىلدارى يتاليادا وتكىزىلىپ كە­لە جاتقاندىعىن تىلگە تيەك ەتە كە­ت­­­كەن «LATTANZIO Group» كوم­­­پانياسىنىڭ باسشى­سى با­زيليو بۋففوني قازاقستاندا گرانتقا كونكۋرس وتكىزۋ ءبىرىنشى رەت ەكەندىگىن جانە كەلەسى جىل­دار­دا ونى جالعاستىرۋعا ءمۇم­­كىن­­دىك بارىن جەتكىزدى. تاعى ءبىر بەلگىلىسى, الەمنىڭ كوپتەگەن ەل­­دەرىمەن جانە حالىقارالىق ۇيىم­دارمەن تىعىز بايلانىس­تار ورناتقان كومپانيا ورتا­لىق ازيا ەلدەرىمەن ىنتى­­ماق­تاس­تىققا ىنتالى ەكەن­دىك­تەرىن اڭ­عارتىپ وتىر. سوندىقتان دا قازاقستاندا ءوز وفيستەرىن اشۋ­دى كوزدەيدى. ۆيتسە-رەكتور التاير احمەتوۆ ءسوز رەتى كەلگەندە شە­شىم قابىلداۋعا ازاماتتاردى كە­ڭىنەن جۇمىلدىرۋ جاعىن ايتا كەلىپ, ءبىلىم ورداسىنىڭ ساراپتامالىق-تالداۋ ورتالىعى رەتىندە ىزدەنۋشى جاستاردىڭ جاڭا يدەيالارىن جۇزەگە اسىرۋ جانە گرانت بەرۋ جولىمەن جاس عالىمداردىڭ الەۋەتىن ارتتىرۋ ارقىلى مەملەكەتتىك ورگاندار­دى جاڭا باستامالارمەن, ۇسى­نىستارمەن جانە عىلىمي جو­با­لار­مەن جابدىقتاپ وتىرۋ كوز­دەلگەندىگىن العا تارتتى. يتا­ليانىڭ قازاقستانداعى توتەن­شە جانە وكىلەتتى ەلشىسى ستەفانو راۆانيان دا ءوز ەلىندەگى وسىدان جيىرما جىل بۇرىن وتكىزىلگەن رەفورمالاردىڭ بارىسىنان حاباردار ەتە كەتتى. ۇسىنىلعان جۇ­مىس­تار اراسىنان 6 ۇزدىك جۇمىس تاڭدالىپ الىنادى دەپ كۇتىلۋدە. تاڭداپ الىناتىن جۇمىستار ۇستىمىزدەگى جىلدىڭ 20 ناۋرىزىندا وتەتىن سالتاناتتى ءراسىم كەزىندە تانىستىرىلاتىن بولادى. اسقار تۇراپباي ۇلى, «ەگەمەن قازاقستان»