«اباي جولىمەن» جۇيتكيدى

وتكەن جىلدىڭ جەل­توقسان ايىندا «قازاقستان تەمىر جولى» ۇك» اق-تىڭ پرەزيدەنتى, باسقارما ءتور­اعاسى قانات قالي ۇلى ال­پىس­­باەۆ مىرزاعا اباي مۋ­زەيى ۇجىمىنىڭ ۇيىم­داس­تىرۋىمەن جەرگىلىكتى اكىمشىلىك جانە قوعامدىق ۇيىمداردىڭ اتىنان «ال­داعى 2017 جىلى الەمگە ايگىلى «اباي جولى» رو­مان-ەپوپەياسىنىڭ اۆتورى, كەمەڭگەر جازۋشى, ۇلت ماقتانىشى مۇحتار اۋەزوۆ­تىڭ تۋعانىنا 120 جىل تولاتىنىن ەسكەرە وتىرىپ, «استانا – زاششيتا» باعىتىنا قاتىنايتىن №67/68 «تۇل­پار-تالگو» پويىزىن «اباي جولى» دەپ اتاۋدى سۇراي­مىز» دەگەن مازمۇندا ارنايى حات جولدانعان بولاتىن-دى. حاتقا قازاقستاننىڭ ءبىر توپ عالىمى مەن زيالى قاۋىم وكىلدەرى قول قويعان. كوپ كەشىكپەي اباي مۋزەي­ى­نىڭ ديرەكتورى بولات ءجۇ­نىسبەكوۆ مىر­زاعا جوعا­­­رىدا اتالعان ۇلتتىق كوم­پانيانىڭ دامىتۋ ءجونىن­دەگى ۆيتسە-پرەزيدەنتى مىندە­تىن اتقارۋشى د.نۇر­ماعان­بەتوۆتەن «قازاقستان تەمىر جولى» ۇلتتىق كومپانياسى» اكتسيونەرلىك قوعا­مىنىڭ ەنشىلەس كومپانيا­سى – «جولاۋشىلار تاسىمالى» اكتسيونەرلىك قوعامى (بۇدان ءارى – قوعام) ءسىزدىڭ  №67/68 «استانا – زاششيتا» باعىتىنداعى جولاۋشىلار پويىزىنا «اباي جولى» اتاۋىن بەرۋ جونىندەگى ۇسى­نىسىڭىز نازارعا الىنىپ, كەلىسىلدى. قازىرگى تاڭ­دا قوعام تاراپىنان وسى ماسەلە بويىنشا ءتيىستى جۇ­مىستار اتقا­رىلۋدا», – دەگەن جاۋاپ تا كەلگەن ەدى. «جولاۋشىلار تاسىمالى» اكتسيو­نەرلىك قو­عامىنىڭ سەرۆيستىك قىز­مەت كورسەتۋ ءبو­لى­مىنىڭ باس مامانى اسقار احمەتبەكوۆ «اباي جولى» اتاۋى­مەن جولاۋشىلار پويىزى وسى قاڭتار ايىنىڭ سوڭىن­دا نەمەسە الداعى اقپان ايىندا قاتىنايتىنىن حابارلادى. راۋشان نۇعمانبەكوۆا  شىعىس قازاقستان وبلىسى