ءبىر جارىم عاسىر تاريحى بار

تايىنشا اۋدانىنىڭ تۇر­عىنى اناتولي گابچەنكو بۇگىنگى ۇرپاققا تاڭسىق جادىگەر بولىپ كورىنەتىن كونە بۇيىمدار مەن زاتتاردى جيناۋمەن جارتى عاسىرعا جۋىق اينالىسىپ كەلەدى. اۋلاسى مەن گاراجى وسىنداي قىمبات دۇنيەلەرگە لىق تولى. ونىڭ مۇراعاتىنان ءار كەزەڭدە شىعارىلعان ءارتۇرلى ماركالى كولىكتەردى دە كەزدەستىرۋگە بولادى. ولاردىڭ سوڭعىسى 1974 جىلى شورتاندى قالاسىنان ساتىپ الىنىپتى. ەڭ كونەسى – 1944 جىلى قۇراستىرىلعان «موسكۆيچ». ۇساق مونەتالار, تۇرمىستىق قۇرال-جابدىقتار اراسىندا 1872 جىلعى ساماۋىر وزىندىك بىتىمىمەن ەرەكشە كوز تارتادى. قاريا كوللەكتسيا جيناۋمەن عانا شەكتەلمەيدى. جارامسىز بولىپ قالعاندارىن جوندەپ الاتىن ىسمەرلىگى دە بار. – 6 اۆتوموبيل مەن 2 موتو­تسيكلدى قالپىنا كەلتىردىم. قازىر سوعىس كەزىندە مىنىلگەن «گاز-678» كولىگىن قۇراستىرۋمەن اينالىسىپ جاتىرمىن. ءبىراز بولشەگى وزىمدە بار بولاتىن. قاڭقاسىن ستەپنياك قالاسىنان اكەلدىم. بالا كەزىمنەن بەرگى قىزىعۋشىلىعىم عانا ەمەس, ءومىرىمنىڭ ءبىر بولشەگى سەكىلدى. لاقتىرىپ تاستاۋعا قيمايمىن. باسقالارعا بەرەيىن دەسەڭ, قادىرىن بىلمەيتىن سياقتى, – دەيدى ول. جىل سايىن جەڭىس كۇنى كونە كولىكتەردىڭ شاعىن شەرۋىن ۇيىم­داستىرۋ – ا.گابچەنكونىڭ بۇل­جىماس ادەتى. قارت كوللەك­تسيونەردىڭ ارمانى – كوزى تىرىسىندە اشىق اسپان استىنداعى مۇراجاي زاتتارىن مەكتەپ سەكىلدى سەنىمدى قولعا تاپسىرۋ. ءومىر ەسقالي, «ەگەمەن قازاقستان» سولتۇستىك قازاقستان وبلىسى