حاليفا التايدىڭ 100 جىلدىعىن ەۋروپا ەلدەرى دە اتاپ وتەدى

بيىل ەسىمى كۇللى تۇركى الەمىنە كەڭىنەن تانىمال ءدىنتا­نۋشى حاليفا عاقىپ­ ۇلى التايدىڭ 100 جىلدىق مەرەيتويى قازاقستاندا عانا ەمەس, تۇركيا, قىتاي جانە ەۋروپانىڭ بىرقاتار ەلدەرىندە اتاپ وتىلەدى. مەرەيتوي كەزىندە «عىلىم وردا­سىنىڭ» كىتاپحاناسى «قازاق­ستان عالىمدارىنىڭ بيبليوگرافياسى» سەرياسى بويىنشا «التاي حاليفا عاقىپ ۇلى» اتتى كىتاپ شىعارىلادى. بۇدان بولەك «حاليفا التاي جانە قايتا ورالعان تاريح» اتتى كونفەرەنتسيا جانە فوتوسۋرەت كورمەسى ۇيىمداستىرىلىپ, حاليفا التاي تۋرالى دەرەكتى فيلم تۇسىرىلەدى. 1917 جىلى قىتاي حالىق رەس­پۋبليكاسىندا ومىرگە كەلىپ, 2003 جىلى 15 تامىزدا قازاقستاندا قايتىس بولعان حاليفا التايدى بۇگىندە جۇرتشىلىق سان قىرلى ونەر يەسى رەتىندە تانيدى. قازاق دياسپوراسىنىڭ كورنەكتى قايراتكەرى قاسيەتتى «قۇران كارىم» كىتابىنىڭ قازاق تىلىندەگى تۇڭعىش اۋدارماشىسى عانا ەمەس, 1989-1990 جىلدارداعى باسپاگەرى, ءدىنتانۋشى, يسلامتانۋشى, جازۋشى, اقىن, انتروپولوگ, تاريحشى, ەتنوگراف, اۋدارماشى, قوعام قايراتكەرى رەتىندە تاريحتا قالدى. «الاش» سىيلىعىنىڭ العاشقى لاۋ­رەاتى, قازاقستان جازۋشىلار وداعىنىڭ مۇشەسى. ول اتاجۇرتقا ەلباسىنىڭ شاقى­رۋىمەن تۇركيادان  ورالعان ەدى. «قۇران كارىم» كىتا­بىنىڭ قازاق تىلىندەگى تۇڭعىش اۋدارماشىسى تۋرالى كەزىندە  ۇعا قۇرىلتايشىلارىنىڭ ءبىرى ءال-ماشاني: «وسى اۋدارما مەن ونىڭ تۇسىنىكتەرىنەن باسقا ەش نارسە جازباعان كۇننىڭ وزىندە,  حاليفا التاي قاجىنى ءىرى عۇلاما-عالىم قاتارىندا تانۋعا بولار ەدى», دەپ باعالاعان بولاتىن. ەرلىك ەرجان ۇلى  الماتى