"دامۋ" قورى قىزىلوردا وبلىسىندا 8 مىڭ تەگىن قىزمەت كورسەتتى

2016 جىلى كاسىپكەرلەرگە قىزمەت كورسەتۋ ورتالىعى (كقكو) كەڭەسشىلەرى قىزىلوردا وبلىسىنداعى كاسىپكەرلەرگە 8183 قىزمەت كورسەتتى, دەپ حابارلادى قوردىڭ ءباسپاسوز قىزمەتى. بيزنەس وكىلدەرى كاسىپكەرلىكتى مەملەكەتتىك قولداۋ باعدارلامالارى مەن ماركەتينگ جانە زاڭ سۇراقتارى, بۋحگالتەرلىك جانە سالىق ەسەبى بويىنشا بىلىكتى كومەككە «ءبىر تەرەزە» رەجىمىندە قول جەتكىزۋدە. گرانتتىق قارجىلاندىرۋدىڭ مەملەكەتتىك باعدارلامالارىنا قاتىسۋعا, ەكىنشى دەڭگەيلى بانكتەردەن جانە بۇۇ دامۋ باعدارلاماسى اياسىندا نەسيە الۋ ءۇشىن, سونداي-اق «جۇمىسپەن قامتۋ-2020» باعدارلاماسىمەن جەڭىلدەتىلگەن نەسيە قارجاتىن تارتۋعا كاسىپكەرلەرگە تەگىن تۇردە 83 بيزنەس-جوسپار جاسالىپ, قارجىلاندىرۋعا دەيىن سۇيەمەلدەندى. كاسىپكەرلەرگە قىزمەت كورسەتۋ ورتالىعىندا كەڭەستىك-اقپاراتتىق قولداۋمەن قاتار, تۇراقتى تۇردە تەگىن وقىتۋ سەمينارلارىن ۇيىمداستىرۋ جولعا قويىلعان. وتكەن جىلى كقكو بازاسىندا ءتۇرلى تاقىرىپتار بويىنشا 100-گە تارتا تەگىن سەمينارلار ءوتتى.