الماتىداعى Nissan اۆتوورتالىعى ساتىلدى

ال 2016 جىلى «استانا موتورس» كومپانياسىنىڭ باسشىسى نۇرلان سماعۇلوۆ الماتىداعى ءسۇيىنباي داڭعىلىندا ورنالاسقان Nissan اۆتوورتالىعىنىڭ ساتىلعانىن ايتتى. «وزدەرىڭىز بايقاعانداي وتكەن جىلى Astana Group كوپ نارسەنى ساتتى. اقتوبە, شىمكەنت, استاناداعى Mega ويىن-ساۋىق ورتالىعى ساتىلدى. استانا موتورسقا كەلەر بولساق, كومپانيا Nissan اۆتوورتالىعىن ساتتى. سەبەبى بۇل ماركانىڭ ۇلەسى ءبىزدىڭ نارىقتا كوپ بولعان جوق. ساتۋدان تۇسكەن اقشانى ديلەر ورتالىقتارىن دامىتۋعا جۇمسادىق», — دەدى نۇرلان سماعۇلوۆ. بيزنەسمەن باسقا اۆتوورتالىقتاردى ساتۋ ماسەلەسىن قاراستىرمايتىنىن اتاپ ءوتتى. «قازىر بىزدە ءبارى جاقسى. Hyundai, Subaru, BMW, MINI, Rolls-Royce, Toyota, Lexus ماركالى اۆتوورتالىقتارى قالدى. ال مۇنداي برەند ورتالىقتارىن ساتۋ تۋرالى جوسپارىمىز جوق», — دەدى ول. قازاقستانداعى اۆتوبيزنەس قاۋىمداستىعىنىڭ مالىمەتىنشە, 2016 جىلدىڭ قاڭتار-قاراشا ايلارىندا Nissan ماركاسىنىڭ 1329 اۆتوكولىگى ساتىلعان. بۇل قازاقستانداعى اۆتوكولىك نارىعىنىڭ 3,24%-ىن قۇرايدى.