بالالار ءۇيىنىڭ قىزمەتىنە قوعامدىق باقىلاۋ جۇرگىزىلەدى

قازاقستانداعى بالالار ۇيلەرى جانىندا العاش رەت باقىلاۋ كەڭەستەرى قۇرىلادى, دەپ حابارلادى قر ءبىلىم جانە عىلىم مينيسترلىگىنىڭ ءباسپاسوز قىزمەتى. باقىلاۋ كەڭەستەرى وسى جىلدىڭ ءبىرىنشى توقسانىندا اشىلماق. باقىلاۋ كەڭەستەرى بالالار ۇيلەرىنىڭ قىزمەتتەرىنە قوعامدىق باقىلاۋ جۇرگىزەدى. كەڭەستەر قۇرامدارى قوعامدىق ۇيىمداردىڭ, بالالار قۇقىعىن قورعاۋ قورلارىنىڭ, اسىراپ الۋشى اتا-انالار قاۋىمداستىعىنىڭ, مەملەكەتتىك باسقارۋ ورگاندارىنىڭ (ونىڭ ىشىندە قۇقىق قورعاۋ ورگانى) وكىلدەرىنەن تۇراتىن بولادى. وسىلايشا, قوعام بالالار ۇيلەرىنىڭ تىنىس-تىرشىلىنە ەتەنە قاتىسىپ, جاعدايدى باقىلاپ, بالالار قۇقىقتارىن بۇزۋ ارەكەتتەرىنىڭ الدىن الادى. مينيسترلىكتىڭ حابارلاۋىنشا, باقىلاۋ كەڭەستەرىنە بىرقاتار وكىلەتتىلىك جولدانادى. مىسالى, كەڭەستەرگە بالالار ۇيلەرىنىڭ قىزمەتى جايلى ەسەپتەردى تىڭداۋعا, بالالار ۇيلەرىنىڭ باسشىلىعىنىڭ ءىس-ارەكەتتەرىن قاداعالاۋعا, بالالاردىڭ جاعدايىن دەربەس باعالاپ, ولارمەن اڭگىمەلەسۋگە مۇمكىندىك بەرىلەدى. باقىلاۋ كەڭەستەرىنىڭ اتقارعان جۇمىستارى جايلى اقپارات ينتەرنەت-رەسۋرستاردا, ونىڭ ىشىندە بالالار ۇيلەرى مەن قر بعم بالالار قۇقىعىن قورعاۋ كوميتەتىنىڭ رەسمي سايتارىندا جاريالانادى. ءبىر ايتا كەتەرلىگى, ەلىمىزدە كوپ جىلدان بەرى العاش رەت جەتىم بالالار سانىنىڭ تومەندەۋىنە بايلانىستى بالالار ءۇيى جابىلا باستادى. 2015 جىلدان باستاپ 48 جەتىمدەر ءۇيى جابىلدى (جالپى سانى 188-دەن 140-قا دەيىن ازايدى).