قازاقستاندىقتار بىلتىر 42 ملرد تەڭگە سالىق تولەدى

سالىقتىق تۇسىمدەردىڭ ۇلعايۋى مۇنايلى قالالاردا, ياعني قىزىلوردا, ماڭعىستاۋ جانە اتىراۋ وبلىستارىندا بايقالادى. بۇل قالالارداعى سالىقتىق ءتۇسىم تيىسىنشە 24%; 25% جانە 14%-عا كوبەيگەن. بۇل وڭىرلەردەگى جەكە تۇلعالاردىڭ تولەگەن سالىعى جالپى كولەمنىڭ 9 پايىزىن عانا قۇرايدى, دەپ جازادى ranking.kz. وڭتۇستىك قازاقستان وبلىسى سالىق تۇسىمدەرىنىڭ ۇلعايۋ قارقىنى بويىنشا العاشقى ۇشتىككە كىرەدى. بۇل وڭىردەگى تولەنگەن سالىق بىلتىرعىمەن سالىستىرعاندا 19%-عا ارتىپ, قاڭتار-قاراشا ايلارىندا 3,2 ملرد تەڭگەنى قۇرادى. الماتى اگلومەراتسياسى جوباسى وبلىستىڭ دامۋىنا ەرەكشە قارقىن بەرگەن. ءبىر جىل ىشىندە وبلىستىڭ سالىقتىق ءتۇسىمى 17% كوبەيىپ, 3,4 ملرد تەڭگەگە جەتتى. ال الماتى قالاسىنداعى ءوسىم 8% ۇلعايىپ, ءبىر جىل ىشىندە تولەنگەن سالىق 10,9 ملرد تەڭگەنى قۇرادى. الماتى وبلىسى مەن قالاسىندا جەكە تۇلعالاردىڭ تولەگەن سالىعى جالپى كولەمنىڭ 34% قۇرايدى. مەنشىك سالىعى كولەمى بويىنشا ەكىنشى ورىندا استانا قالاسى (5,4 ملرد تەڭگە). ەلوردانىڭ جىلدىق ءوسىمى 11%. 16 وبلىستىڭ ىشىندە تەك شىعىس قازاقستان وبلىسى (-2%) عانا مينۋسقا كەتكەن.