سوڭعى 3 جىلدا «قازاقفيلمنىڭ» 75 كارتيناسى الەمدىك پروكاتقا ۇسىنىلدى

سوڭعى ءۇش جىلدا اۋقىمدى الەمدىك پروكاتقا «قازاقفيلمنىڭ» 75 كارتيناسى ۇسىنىلدى. ولاردىڭ بارلىعى قازاقستاندىق كينەماتوگرافتىڭ مۇمكىندىكتەرىن بارىنشا كورسەتە الدى. بۇل تۋرالى بۇگىن قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا مادەنيەت جانە سپورت ءمينيسترى ارىستانبەك مۇحامەدي ۇلى مالىمدەدى. ۇكىمەت وتىرىسى بارىسىندا سونداي-اق وتاندىق كينووندىرۋشىلەرگە قولداۋ كورسەتۋدىڭ نەگىزگى جولدارى مەن كينەماتوگرافيانى دامىتۋ تۇجىرىمداماسىنىڭ جوباسى قاراستىرىلدى. ارىستانبەك مۇحامەدي ۇلىنىڭ ايتۋىنشا, قازاقستاندا سوڭعى جىلدارى ىشكى نارىقتا عانا ەمەس, الەمدىك نارىقتا دا سۇرانىسقا يە تابىستى فيلمدەر قاتارى تولىقتى. ولاردىڭ ىشىندە وتكەن جىلعى رەسەيلىك جانە قازاقستاندىق پروكاتتا كوشباسشى بولعان «28 پانفيلوۆشى» ءفيلمى, پرەمەرالىق كورسەتىلىمى رەسەي, قىتاي, فرانتسيا, گونكونگ, گرەكيا ەلدەرىندە وتكەن «كوشباسشى جولى» كينوەپوپەياسىنىڭ بەسىنشى ءبولىمى – «جۇلدىزدار توعىسقاندا» ءفيلمى, اقان ساتاەۆتىڭ «اناعا جول» كارتيناسى بار.