قازاقستاندا جىلىنا 250-دەن استام كينوكارتينا تۇسىرىلەدى

رەسمي ستاتيستيكاعا سايكەس, ەلدە قىزمەت ەتەتىن 35 كينووندىرىس ۇيىمى جىلىنا 250-دەن استام كينوكارتينا تۇسiرەدi, ونىڭ ىشىندە تەلەۆيزيالىق جانە جەكە جوبالار دا بار. بۇل تۋرالى بۇگىن ۇكىمەت وتىرىسىندا مادەنيەت جانە سپورت مينيسترi ارىستانبەك مۇحامەدي ۇلى مالىمدەدى. مينيستردiڭ ايتۋىنشا, جالپى كينوپروكات كولەمىندەگى وتاندىق فيلمدەردىڭ ۇلەسى بۇگiندە 6%-دى قۇرايدى. «كينوكورسەتىلىمدى 93 كينوتەاتر, 247 كينوزال جانە 368 جىلجىمالى جانە ستاتسيونارلى كينوقوندىرعىلار قامتاماسىز ەتەدى. كينوتەاترلاردا جينالاتىن قارجىنىڭ جالپى سوماسى 10 ميلليارد تەڭگەنى قۇراسا, ونىڭ 7%-دان استامى قازاقستاندىق فيلمدەرگە تيەسiلi», - دەدi ول. سونىمەن قاتار مينيستر سوڭعى ءۇش جىلدا 100-گە جۋىق ۇلتتىق فيلم تۇسiرiلگەنىن ايتتى. قازiرگi ۋاقىتتا 40-تان استام كينو ءتۇسiرiلiپ جاتىر «2014 جىلدان باستاپ مينيسترلىك مادەني ساياسات تۇجىرىمداماسىن ىسكە اسىرىپ جاتىر. ونىڭ نەگىزگى باسىمدىقتارىنىڭ ءبىرى – بۇل كينويندۋستريا كلاستەرىنىڭ دامۋى, شىعارماشىلىق باستامالاردى قولداۋعا جاعداي جاساۋ, كينووندىرىستىڭ جاڭا يننوۆاتسيالىق فورمالارىن ەنگىزۋ», - دەدى ارىستانبەك مۇحامەدي ۇلى. ونىڭ ايتۋىنشا, «100 ناقتى قادام» ۇلت جوسپارى اياسىندا 2015-2020 جىلدارعا ارنالعان كەشەندi جوسپار بەكiتiلدi. ونىڭ اياسىنداعى كينو جانە تەلەجوبالار ەلiمiزدiڭ كونە زاماننان بەرگi تاريحىن, قازاق مادەنيەتi, ەلدiڭ قازiرگi ءومiرi, تاريحي تۇلعالار مەن بۇگiنگi كۇننiڭ باتىرلارى تۋرالى پاش ەتەدi», - دەدi ارىستانبەك مۇحامەدي ۇلى.