يۋليا پۋتينتسەۆا Australian Open ءتۋرنيرىن جەڭىسپەن باستادى

قازاقستاننىڭ ءبىرىنشى راكەتكاسى يۋليا پۋتينتسەۆا مۋلبۋرن قالاسىندا ءوتىپ جاتقان تەننيستەن اۆستراليا اشىق چەمپيوناتىن (Australian Open) جەڭىسپەن باستادى. تۋرنير ۇيىمداستىرۋشىلارىنان 31-ءشى ءنومىردى العان پۋتينتسەۆا ءبىرىنشى اينالىمدا يسپانيالىق لارا اررۋاباررەنا-ۆەسينومەن كەزدەستى. باس-اياعى 2 ساعات 47 مينۋتقا سوزىلعان ماتچ 7:6 (9:7), 7:6 (12:10) ەسەبىمەن اياقتالدى. جارىستىڭ كەلەسى اينالىمىندا ول قىتايلىق چجۋ ءليندى ەكى سەتتە 6:4, 6:0 ەسەبىمەن ۇتقان لاتۆيالىق ەلەنا وستاپەنكوعا قارسى كورتقا شىعادى. ال تاعى ءبىر قازاقستاندىق تەننيسشى ميحايل كۋكۋشكين ءتۋرنيردىڭ ءبىرىنشى اينالىمىندا امەريكالىق فرەنسيس تيافودان ءتورت سەتتە 1:6, 7:6, 3:6, 2:6 ەسەبىمەن جەڭىلدى. سونىمەن قاتار, ياروسلاۆا شۆەدوۆا مەن گالينا ۆوسكوبوەۆا دا قارسىلاستارىنا ەسە جىبەردى. ال قازاقستان اتىنان شىققان الەكساندر بۋبليك وڭتۇستىككورەيالىق داكا حي ءليدى ءۇش سەتتە 4:6, 6:4, 6:4 ەسەبىمەن ۇتىپ, ەكىنشى اينالىمعا ءوتتى.