2016 جىلى قازاقستاندا 6 ينۆەستيتسيالىق جوبا ىسكە قوسىلدى

قازاقستاندا 2016 جىلى ينۆەستورلارمەن جۇمىس قورىتىندىلارى بويىنشا 6 جاڭا جوبا پايدالانۋعا ەنگىزىلگەن, دەپ حابارلادى Strategy2050.kz. ماڭىزدى جوبالاردىڭ ىشىنەن پرەميۋم كلاسىنا جاتاتىن لاك-بوياۋ ماتەريالدارى بولىگىندەگى قازاقستاندىق نارىق كوشباسشىسى «Tikkurila» فين كومپانياسىن اتاپ وتۋگە بولادى. تاعى ءبىر ماڭىزدى جوبالاردىڭ ءبىرى - «GALAKSI GROUP» بىرلەسىپ, «AKPEN PLASTIK» تۇرىك كومپانياسىنىڭ قۇنى 5 ملن دوللاردى, قۋاتتىلىعى جىلىنا 3 مىڭ توننادان استام دايىن ءونىمدى قۇرايتىن, الماتى وبلىسىندا مەتالل قورىتپالارى مەن اليۋمينيدەن تەرەزە جانە ەسىك قۇرالدارىن شىعاراتىن زاۋىتىنىڭ ىسكە قوسىلۋى. «Keruen Plus» تۇرىك كومپانياسى قولدانىستاعى ءوندىرىستى كەڭەيتۋگە 500 مىڭ دوللار قايتا ينۆەستيتسيالاپ, پوليپروپيلەن قۇبىرلار شىعاراتىن جاڭا جەلىنى ىسكە قوستى. قۋاتتىلىعى جىلىنا 9 مىڭنان 10 مىڭ توننا ونىمگە دەيىن ارتقان. «پولفارما» قازاقستاندا بۇرىننان بەرى جانە ءساتتى جۇمىس ىستەپ كەلەدى. سونداي-اق ول ورتالىق جانە شىعىس ەۋروپا, كاۆكاز جانە ورتالىق ازيا نارىقتارىندا دارىلىك پرەپاراتتار مەن بەلسەندى فارماتسەۆتيكالىق زاتتاردى وندىرۋشىلەر اراسىندا كوشباسشى بولىپ تابىلادى. «Eczacibası Holding» تۇرىك كومپانياسىنىڭ سانيتاريالىق-گيگيەنالىق باعىتتاعى قاعاز ءونىمىن ءوندىرۋ زاۋىتى ىسكە قوسىلدى, جوبانىڭ قۇنى 14 ملن دوللار, قۋاتتىلىعى 23 مىڭ توننا قاعاز ءونىمى. الەمدەگى ەڭ ءىرى «BASF» كونتسەرنى استانا قالاسىنداعى قولدانىستاعى زاۋىتتاعى ەپوكسيدتى ءوندىرىستى ىسكە قوسۋعا قايتا ينۆەستيتسيالادى. KAZNEX INVEST  دەرەكتەرى بويىنشا 2016 جىلى كەلەسى الەۋەتتى ينۆەستورلارمەن ءوزارا تۇسىنىستىك تۋرالى 30 مەموراندۋمعا قول قويىلدى.