تاۋەلسىزدىك جىلدارى قازاقستان 12 ۋنيۆەرسياداعا قاتىسقان

الماتىدا وتەتىن الداعى 28-ءشى بۇكىلالەمدىك قىسقى ۋنيۆەرسياداعا قازاقستاننىڭ قۇراما كومانداسىنان جارىستار باعدارلاماسىنا ەنگەن سپورتتىڭ بارلىق تۇرلەرى بويىنشا 168 سپورتشى قاتىساتىن بولادى. بۇل تۋرالى اتالعان شاراعا ازىرلىك بارىسىنا ارنالعان قر ۇكىمەتى وتىرىسىندا بەلگىلى بولدى.   وقۋ-جاتتىعۋ ءۇردىسىنىڭ كەستەسىنە سايكەس, قۇراما كوماندالار مەديتسينالىق باقىلاۋمەن قامتاماسىز ەتىلەدى. ۋنيۆەرسيادا كەزىندە قازاقستاننىڭ قۇراما كومانداسىنا رەسپۋبليكالىق سپورت مەديتسيناسى مەن وڭالتۋ ورتالىعىنىڭ 12 مامانى جانە قوسىمشا قىسقى سپورت تۇرلەرى بويىنشا رەسپۋبليكالىق فەدەراتسيالاردىڭ ماماندارى قىزمەت كورسەتەتىن بولادى. ايتا كەتۋ كەرەك, قازاقستان ون ەكى بۇكىلالەمدىك ۋنيۆەرسياداعا قاتىسقان, وندا 44 مەدالگە يە بولعان, ولاردىڭ 18 التىن, 13 كۇمىس, 13 قولا. قازاقستاننىڭ بۇكىلالەمدىك ستۋدەنتتىك ويىندارعا قاتىسۋىنىڭ ەڭ ۇزدىك جەتىستىگى 2015 جىلى سلوۆاكيا مەن يسپانيادا ءتۇرلى قۇندىلىعى بويىنشا 11 مەدال الۋى, ونىڭ 5 التىن, 6 كۇمىس. وسىلايشا قازاقستان كومانداسى ءۇشىنشى ورىنعا كوتەرىلدى. ەستەرىڭىزگە سالا كەتسەك, بۇكىلالەمدىك قىسقى ۋنيۆەرسيادا الماتى قالاسىندا 29 قاڭتار مەن 8 اقپان ارالىعىندا وتەدى. الداعى جارىستارعا الەمنىڭ 59 ەلىنەن 2000-نان استام سپورتشى قاتىسادى دەپ جوسپارلانعان. بارلىعى 12 سپورت ءتۇرى بويىنشا 86 مەدالدار جيىنتىعى ويناتىلادى.