ۋنيۆەرسيادانىڭ بىرىڭعاي انىقتامالىق بايلانىس-ورتالىعى ىسكە قوسىلادى

بايلانىس-ورتالىعى بارلىق ۇيالى بايلانىس وپەراتورلارىنىڭ ابونەنتتەرى ءۇشىن بىرىڭعاي 7117 ءنومىرى بويىنشا جۇمىس ىستەيتىن بولادى. بايلانىس-ورتالىعى تاۋلىك بويىنا جۇمىس رەجىمىندە ۋنيۆەرسيادانىڭ قاتىسۋشىلارى مەن قوناقتارىنا بارلىق قاجەتتى انىقتامالىق اقپارات بەرەدى. ونىڭ ىشىنە جارىستار كەستەسى, سپورت وبەكتىلەرىنىڭ ورنالاسقان جەرى, بيلەتتەردى ساتىپ الۋ تاسىلدەرى جانە باسقا دا كوپتەگەن حابارلامالار كىرەدى. «قازىر كەز كەلگەن بۇقارالىق شارانى تابىستى وتكىزۋ ساپالى تەلەكوممۋنيكاتسيالىق قىزمەتتەردى قامتاماسىز ەتۋسىز ەلەستەتۋ مۇمكىن ەمەس. تەلەكوممۋنيكاتسيالار اۋقىمدى اۋديتورياعا حابارلاۋ, اقپاراتتارمەن جەدەل الماسۋ جانە شۇعىل ماسەلەلەردى شەشۋ ءۇشىن ماڭىزدى. ۋنيۆەرسيادا كەزىندە ۇيالى بايلانىس وپەراتورلار جەلىسىنە جۇكتەمە ارتاتىنى داۋسىز – ادامدار ءوز اسەرلەرىمەن بولىسەدى, حابارلامالار جىبەرەدى جانە موبيلدىك ينتەرنەتتى بەلسەندى تۇردە پايدالانادى. بيزنەستىڭ دايىندىق جۇمىستارىنا قاتىسۋى ۇلكەن مانگە يە جانە «كسەلل» كومپانياسىمەن ارىپتەستىك ۋنيۆەرسيادا قاتىسۋشىلارى مەن قوناقتارىن ساپالى بايلانىسپەن قامتاماسىز ەتۋگە مۇمكىندىك بەرەدى», - دەدى «الماتى قالاسىنداعى 2017 جىلعى 28-ءشى دۇنيەجۇزىلىك قىسقى ۋنيۆەرسيادانى دايىنداۋ جانە وتكىزۋ بويىنشا ديرەكتسيا» مق  باسشىسى نايل نۇروۆ. ەستەرىڭىزگە سالا كەتسەك, 28-ءشى دۇنيەجۇزىلىك قىسقى ۋنيۆەرسيادا الماتى قالاسىندا 29 قاڭتاردان 8 اقپانعا دەيىنگى ارالىقتا وتەدى. ويىندارعا 58 ەلدەن 2000 سپورتشىلار قاتىسادى. بۇل كەزەڭدە قازاقستاننىڭ وڭتۇستىك استاناسىنا 30 000 استام شەتەلدىك قوناقتار مەن تۋريستەر كەلەدى دەپ كۇتىلۋدە.