ۋنيۆەرسيادا كەزىندە درون قولدانۋ ءۇشىن ارنايى رۇقسات كەرەك

حالىقارالىق جارىستار كەزىندە درونداردى بۇقارالىق اقپارات قۇرالدارىنىڭ وكىلدەرى ارنايى رۇقسات نەگىزىندە عانا پايدالانا الادى. بۇل تۋرالى ۋنيۆەرسيادا-2017 رەسمي سايتىندا حابارلاندى. «الماتىدا وتەتىن بۇكىلالەمدىك 28-ءشى قىسقى ۋنيۆەرسيادا-2017 شاراسىنا دايىندىق جانە وتكىزۋ ديرەكتسياسى» قاۋىپسىزدىك دەپارتامەنتىنىڭ وكىلدەرى جارىستاردىڭ وتەتىن ۋاقىتىندا جانە ۋنيۆەرسيادانىڭ اشىلۋ جانە جابىلۋ راسىمدەرىندە بۇقارالىق اقپارات قۇرالدارى تاراپىنان ۇشقىشسىز ۇشاتىن اپپاراتتاردى (دروندار) پايدالانۋ ەرەجەلەرىن ءتۇسىندىردى. ياعني, سپورت نىساندارىندا ۇشقىشسىز ۇشاتىن اپپاراتتاردى قولدانۋدىڭ قاتاڭ ەرەجەسى بولادى. درونداردى قولدانۋعا رۇقسات الۋ ءۇشىن باق وكىلدەرى اتالعان ءراسىمدى الماتى قالاسىنىڭ اكىمدىگى مەن مەملەكەتتىك كۇزەت قىزمەتىمەن كەلىسەدى", - دەلىنگەن حابارلامادا. اتالعان ورگاندارمەن كەلىسىلگەن سوڭ, درونداردىڭ پايدالانىلاتىندىعى جونىندەگى اقپاراتتى ديرەكتسيانىڭ ءباسپاسوز قىزمەتىنە جەتكىزۋ كەرەك.