الماتىدا ۋنيۆەرسيادا-2017 قارساڭىندا جىلىتۋ ماۋسىمىن وتكىزۋ جونىندەگى شتابتىڭ كەزەكتى وتىرىسى ءوتىپ, وندا قالانىڭ بارلىق ينجەنەرلىك جەلىلەرى جۇمىسىنا باقىلاۋدى كۇشەيتۋ تۋرالى شەشىم قابىلداندى, دەپ جازدى ۋنيۆەرسيادانىڭ ءباسپاسوز قىزمەتى.
بەكىتىلىگەن كەشەندى جوسپارعا ساي ۋنيۆەرسيادا-2017 وبەكتىلەرى قوسىلعان ينجەنەرلىك جەلىلەردىڭ جىلۋدى, ەلەكترەنەرگياسىن ۇزدىكسىز بەرۋىن جانە باسقا دا كوممۋنالدىق قىزمەتتى 200 ارنايى تەحنيكا بىرلىگى بەرىلگەن قۇرامىندا 380 ينجەنەر-تەحنيك قىزمەتكەرلەرى بار ارنايى 60 اپاتتى-جوندەۋ بريگادالارى قامتاماسىز ەتەتىن بولادى.
ۋنيۆەرسيادانىڭ ءاربىر نىسانىنا بەكىتىلگەن قالا كوممۋنالدى قىزمەتتەرىنىڭ ءبىرىنشى باسشىلارى مەن ولاردىڭ ورىنباسارلارى, سونىمەن قاتار ەكشب-نىڭ باسشىلىعى مەن ماماندارى بولىنگەن كۇش پەن ءتۇرلى قوندىرعىلاردىڭ بارىنشا ءتيىمدى جۇمىس ىستەۋىن قاداعالايدى.
ۋنيۆەرسيادا-2017 نىساندارىن جىلۋمەن, سۋمەن, ەلەكترەنەرگياسىمەن جانە باسقا دا كوممۋنالدىق قىزمەتپەن تولىق قامتۋ ىسىنە تاۋلىگىنە بىرنەشە رەت مونيتورينگ جۇرگىزىلەدى.
