CIES: نەيمار - الەمدەگى ەڭ قىمبات فۋتبولشى

حالىقارالىق سپورتتىق زەرتتەۋلەر ورتالىعى (CIES) قۇرعان ترانسفەرلىك قۇنى جوعارى فۋتبولشىلار تىزىمىندە "بارسەلونانىڭ" برازيليالىق شابۋىلشىسى نەيمار كوش باستادى, دەپ حابارلايدى ريا نوۆوستي. CIES دەرەكتەرى بويىنشا, "بارسەلونا" شابۋىلشىسىنىڭ قۇنى 246,8 ميلليون ەۋروعا جەتەدى. بۇل وسى تىزىمدە ەكىنشى ورىنعا تۇراقتاعان ليونەل مەسسيگە بەلگىلەنگەن باعادان 75 ميلليون ەۋروعا قىمبات. ءتىزىم اۆتورلارى ءۇشىنشى ورىنعا «مانچەستەردىڭ» جارتىلاي قورعاۋشىسى پول پوگبانى (155,3 ميلليون ەۋرو) لايىق دەپ تاپتى. مادريدتىك «رەالدىڭ» فورۆاردى, «التىن دوپ» يەگەرى كريشتيانۋ رونالدۋگە اۆتورلار 7 ورىن بەرگەن. ونىڭ ترانسفەرلىك قۇنى 126,5 ميلليون ەۋرو. CIES حابارلاۋىنشا, ولاردىڭ ترانسفەرلىك قۇندى ەسەپتەۋ ءادىسى ويىنشىنىڭ ناقتى قۇنىن ەسەپتەپ شىعارۋعا مۇمكىندىك بەرەدى. ستاتيستيكالىق مودەل الاڭدا وتكەن ۋاقىتتى, سوعىلعان گولداردى, فۋتبولشىنىڭ جاسى مەن ونىڭ كەلىسىم-شارتى جانە ساتىپ الۋشىلار تاراپىنان قىزىعۋشىلىقتى ەسكەرەدى.