جاقىن كۇندەرى ونلاين-تىركەۋ ىسكە قوسىلادى

ەلوردادا وتكەن القالى جيىندا قوعام بەلسەندىلەرى مەن بەلگىلى زاڭگەر-قۇقىق قورعاۋشىلار, زەرتتەۋ ۇيىمدارى مەن مەملەكەتتىك قۇرىلىمداردىڭ وكىلدەرى باس قوسقان جيىندا ازاماتتاردى تىركەۋدىڭ جايى تالقىلاندى. جيىنعا اقپارات جانە كوممۋنيكاتسيالار ءمينيسترى داۋرەن اباەۆ قاتىسىپ, باق وكىلدەرىنىڭ ساۋالدارىنا جاۋاپ بەرە كەلە, جاقىن كۇندەرى ازاماتتاردى تىركەۋدىڭ ونلاين جۇيەسى ىسكە قوسىلاتىندىعىن مالىمدەدى. «قازاقستاندا ازاماتتاردى ەسەپكە الۋ جۇيەسىن جاڭعىرتۋ تەتىگى مەن تىركەۋ جاعدايى» تاقىرىبىمەن «PaperLab» پىكىرسايىس كلۋبى ۇيىمداستىرعان جيىندا ءسوز العان داۋرەن اسكەربەك ۇلى الدىمەن الماتى قالاسىندا حالىققا قىز­مەت كورسەتۋ ورتالىعىندا قازا تاپ­قان ادامنىڭ تۋعان-تۋىستارىنا كوڭىل ايتتى. «ارينە, ءبىز ۋاقىتشا تىركەۋ شارالارى ىسكە اسا باستاعاندا حالىققا قىزمەت كورسەتۋ ورتالىقتارىندا مۇنشا­لىق­تى قالىڭ بۇقارا جينالىپ, قاربالاس جاعداي قالىپتاسادى دەپ كۇتپەدىك. وسى ورايدا, كەيبىر تەتىكتەردىڭ ءتيىستى دارەجەدە ۇيىمداستىرىلماعانىن مينيستر­لىك تاراپىنان مويىنداۋىمىز كەرەك. دەسەك تە, قازىر جاعدايدى مۇقيات باقىلاپ وتىرمىز. العاشقى كەز­دەر­مەن سالىستىرعاندا حالىقتىڭ حقو-عا جينالۋى تومەندەپ, تىركەۋ ۇدە­رىس­تەرى قالىپقا تۇسۋدە. بۇگىنگە دە­يىن رەس­پۋب­ليكا بويىنشا 250 مىڭنان استام ازامات تىركەۋگە تۇرىپ ۇلگەردى. سونىمەن قاتار, وقىس جاعدايلاردىڭ قايتالان­باۋى ءۇشىن ءبىز ءوز قۇزىرەتىمىزدىڭ شەڭ­بەرىندە ءتيىستى ۆەدومستۆولارعا قاجەتتى شارا قولدانىلۋىن سۇراپ رەسمي حات جولدا­دىق. ناتيجەسىندە, جۇرت كوپ جيىلاتىن ورتا­لىقتاردا دارىگەرلىك كەزەك­شىلىك پەن ءتارتىپ ساقشىلارىنىڭ قىزمەتى سىن­دى قوسىمشا قىزمەتتەر ۇيىم­داس­­تىرىلدى», دەدى مينيستر د.اباەۆ. سونداي-اق, ءمينيستردىڭ باق وكىلدەرى مەن قوعام بەلسەندىلەرىنىڭ ساۋالىنا جاۋاپ بەرۋ بارىسىندا جاقىن كۇندەرى ەلىمىز­دە ونلاين-تىركەۋ جۇيەسى ىسكە قوسى­لا­تىندىعى ءمالىم بولدى. ونىڭ ءسوزىن­شە, اقپارات جانە كوممۋنيكاتسيا­لار مينيسترلىگى تاراپىنان ورىندالۋى ءتيىس بارلىق شارالار ءتيىستى مەجەسىنە جەتكەن. ەندى تەك ىشكى ىستەر مينيسترلىگىنىڭ قۇزى­رىنداعى ەكى-ءۇش قىزمەتتىڭ ۇيلەستىرىلۋى عانا قالعان كورىنەدى. «ناقتىلاي تۇسكىم كەلەتىن ءبىر ماسەلە, جاقىن كۇندەرى ءبىزدىڭ ۆەدومستۆونىڭ مۇرىندىق بولۋىمەن ازاماتتاردى ونلاين-تىركەۋ تەتىگى تولىعىمەن ىسكە قوسىلادى. ونلاين-تىركەۋ جوباسى دايىن, تەك ءىىم تاراپىنان كەيبىر قىزمەتتەردى جەتىلدىرۋ عانا قالىپ وتىر. بالكىم, كەلەر اپتادا ەل ازاماتتارى قىزمەتتىڭ وسى تەتىگىن قاجەتىنە جاراتىپ قالاتىن شىعار دەپ جوسپارلاپ وتىرمىز», دەدى د.اباەۆ. ايتا كەتەيىك, باسقوسۋعا بىلىكتى زاڭگەرلەرمەن قاتار, ادۆوكات د.ۋتەبەكوۆ, «قازاقستان حالىقارالىق ادام قۇقى جونىندەگى بيۋرو» وكىلى ە.جوۆتيس, «قازاقستانداعى پارلامەنتاريزمدى دامىتۋ قورى» ۇيىمىنىڭ جەتەكشىسى ز.باتتالوۆا سىندى قوعام بەلسەندىلەرى قاتىسىپ, مەملەكەتتىك ورگاندار وكىل­دەرىمەن اشىق پىكىر الماستى. سون­داي-اق, ۋاقىتشا تىركەۋ ماسەلەسىنە قاتىستى ولقىلىقتىڭ ورنىن تولتىرىپ, جاعدايدى تۇزەۋدىڭ جاي-كۇيىن جان-جاقتى تالقىلادى. نۇرلىبەك دوسىباي, «ەگەمەن قازاقستان»