جاستار تىركەۋ تۋرالى الەۋمەتتىك جەلىلەردەن بىلگەن

وسى كۇندەرى ەلىمىزدىڭ تۇكپىر-تۇكپىرىندە ازاماتتاردى تىركەۋ ماسەلەسىنە قاتىستى قۇقىق قورعاۋشىلار مەن زاڭگەر ماماندار تاراپىنان ءتۇسىندىرۋ جۇمىستارى جۇرگىزىلىپ جاتىر. سوعان بايلانىستى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتتەرى اراسىندا دا ارنايى ساۋالداما وتكىزىلدى. الەۋمەتتىك عىلىمدار فاكۋلتەتى دەكانىنىڭ ستۋدەنتتەرمەن جۇمىس جونىندەگى ورىنباسارى ليۋدميلا تيتيحماەۆا ۇسىنعان دەرەكتەرگە كوز جۇگىرتسەك, ساۋالداماعا قاتىسقان جاستار, ەڭ الدىمەن, تىركەۋ تۋرالى مالىمەتتى ءتۇرلى الەۋمەتتىك جەلىلەر ارقىلى ەستىپ, بىلگەن. ۋاقىتشا جانە تۇراقتى تىركەۋ تۋرالى زاڭ تالابىنا قاتىستى جەتى سۇراقتان قۇرالعان ساۋالداما­عا ۋني­ۆەر­سيتەت قابىرعاسىنداعى اكا­دە­ميا­لىق توپتىڭ ستۋدەنتتەرى قاتىس­­تىرىلعان. اتاپ ايتقاندا, جاستاردىڭ 35 پايىزى زاڭ تۋرالى اقپاراتپەن, اتا-انالارى ارقىلى قۇلاعدار بولسا, 5 پايىزى تانىستارى مەن دوستارىنان, 5 پايىزى ءتۇرلى دەرەككوزدەر ارقىلى (پاتەر يەلەرى مەن ۋچاسكەلىك ينسپەك­تورلاردان) حاباردار بولعان. سونىڭ ىشىندە, ەڭ ماڭىزدىسى ءارى ەڭ كوبى – 55 پايىز جاستار مۇنداي مالىمەتتەردى الەۋمەتتىك جەلىلەردەن وقىپ, تانىس­قانى بەلگىلى بولىپ وتىر. سونداي-اق, ساۋالداما بارىسىن­دا كەيبىر جاستار (10 پايىز) تىركەلۋ تۋرالى ەستىگەن سوڭ, ءوز ەرىكتەرىمەن زاڭ جوباسىنا قىزىعۋشىلىق تانى­تىپ, ينتەرنەت ارقىلى تەرەڭىرەك ءارى ناقتى مالىمەتتەر بىلۋگە ىنتا تانىت­قان. ال ەندى وسى ماسەلەنىڭ ءتۇيى­نىن تارقاتۋدا الدىمەن كىمنىڭ كومە­گىنە جۇگىنەسىڭ دەگەن ساۋالعا, ستۋ­دەن­ت­تەردىڭ 25 پايىزى اتا-انا­سىن­ا بارۋدى ءجون ساناسا, 45 پايىزى كۋرا­تور مەن ۋنيۆەرسيتەتتەگى قۇجات­تان­دىرۋ بولىمىنە نەمەسە حقو-عا ءمالى­مەت الۋ ءۇشىن باراتىندىعىن ايت­قان. قالعان 30 پايىزدىڭ جار­تى­سى بۇل جاعدايعا قاتىستى ماسە­لەنى ءوزى شەشەتىندىگىن بىلدىرسە, ەكىن­شى جارتىسى تىركەۋگە قاتىستى پرو­بلەما تۋىندامايتىندىعىنا سەنىمدى ەكەندىگىن جەتكىزىپتى. ساۋالداماعا قاتىسقان ستۋدەنت­تەردىڭ 85 پايىزى تىركەۋدە تۇرعا­نى انىقتالعان جانە وزگەلەرى جاقىن كۇندەرى تىركەۋگە تۇرۋعا قام­دا­نىپ جۇرگەنى بەلگىلى بولعان. سو­نىڭ ىشىندەگى جاستاردىڭ 5 پا­يى­­زىن­دا بۇل ماسەلە بويىنشا بەلگىلى ءبىر دەڭگەيدە سۇراق بار ەكەن. ال ەندى سول 5 پايىزدىق ماسە­لەنى ەگجەي-تەگجەيلى تالقىلاپ, تارازىلاپ كورسەك. سۇراققا جاۋاپ بەرۋشىلەردىڭ بىرقاتارى, ۋاقىتشا تىركەۋگە تۇرۋ ءۇشىن پاتەر يەلەرىنىڭ ەل اۋماعىندا جارتى جىلعا دەيىن بولمايتىندىعىن باياندايدى. سول سياقتى, تابىلعان پاتەر يەلەرىنىڭ كەيبىرى ستۋدەنتتى ۋاقىتشا تىركەۋگە تۇرعىزعانى ءۇشىن تولەنەتىن كوممۋ­نال­دىق تولەمدەردەن قاۋىپتەنە­تىندىگى بەلگىلى بولعان. قالاي بولعاندا دا, سوڭعى كۇندەرى جاعدايدىڭ جاي-جاپ­سارىن ءجون-جوسىعىمەن ەلگە ەك­شەپ ءتۇسىندىرۋ ماقساتىندا قۇقىق قور­عاۋ ورگاندارى وكىلدەرى وسى باعىت بويىنشا بەلسەندى جۇمىس جۇرگىزۋدە. كەز كەلگەن ساۋالعا حالىق كوپ جينالاتىن قوعامدىق ورىندار مەن حقو سەكىلدى مەكەمەلەردە مامان­دار جاۋاپ بەرۋگە ءازىر ەكەن­دىگىن دە ايتا كەتكەنىمىز ءجون. نۇرلىبەك دوسىباي, «ەگەمەن قازاقستان»