قىسقى ويىننىڭ جۇلدەسىنەن قۇر قالماڭىز!

الداعى كۇندەرى الماتىدا باستالاتىن ۋنيۆەرسياداعا جۇرتشىلىقتى كوپتەپ تارتۋدىڭ ءبىر جولى – ۇتىس ويىندارى. ەندەشە, جانكۇيەرلەر جارىستار باستالماي جاتىپ-اق, كۇتپەگەن قۋانىشتارعا كەنەلە باستادى. سونىمەن, ۇستىمىزدەگى جىل­­­دىڭ 11 قاڭتارىنا دەيىن ۋني­ۆەرسيادا-2017 ويىندارىنا ساتىپ الىنعان بيلەتتەر اراسىندا وتكىزىلگەن ۇتىس ويىننىڭ ءبىرىنشى كەزەڭى اياقتالدى. ەندى باعى جانعان 12 ادام ۋنيۆەرسيادا ۇيىمداستىرۋشىلارى مەن قىس­قى ويىنداردىڭ رەسمي سەرىك­تەستەرىنەن باعالى سىيلىق­تارعا يە بولادى. ارنايى ۇتىس ويىنىنىڭ ءبىرىنشى كەزەڭىندە ۇتقان بيلەت­تەردىڭ ءتىزىمى 2017 جىلى الماتىدا وتەتىن 28-ءشى دۇنيەجۇزىلىك قىسقى ۋنيۆەرسيادانىڭ رەسمي سايتى مەن Facebook پاراقشاسىندا جاريالاندى. ۇيىمداستىرۋشىلاردىڭ حا^­­­بارلاۋىنشا, 2016 جىلدىڭ 20 جەلتوقسانىندا باستالعان ءجۇل­دەلەردىڭ ۇتىس ويىنى ەكى كەزەڭدە وتكىزىلەدى. ۋنيۆەرسيادا اياسىنداعى سپورتتىق وقيعالارعا بيلەت ساتىپ العان جاسى 18-دەن اسقان كەز كەلگەن قازاقستان ازاماتى ۇتىس ويىنعا قاتىسا الادى. ۇتىس ويىن ساتىپ الىنعان بيلەتتىڭ بىرەگەي توعىز تاڭبادان تۇراتىن نومىرىنە قاراپ وتكىزىلەدى. شاقىرۋ بيلەتتەرى جانە قۇنى جوق بيلەتتەر ۇتىس ويىنعا قاتىسا المايدى. ال 2017 جىلدىڭ 8 اقپانىنا دەيىن ساتىپ الىنعان بيلەتتەردىڭ بارلىعى ۇتىس ويىننىڭ ەكىنشى كەزەڭىنە قاتىسادى. ەكىنشى كە­زەڭدە ساپپوروداعى ازيا ويىندارىنا 2 ساياحات, سونداي-اق, «بازيس-ا» كورپوراتسياسىنىڭ ۇسىنىپ وتىرعان سۋپەر جۇلدەسى – «المالى» تۇرعىن اۋدانىندا ورنالاسقان ەكى بولمەلى پاتەر ۇتىسقا سالىنادى. «المالى» تۇرعىن اۋدانى «بازيس» قۇرىلىس كومپانياسى سالعان ۋنيۆەرسيادانىڭ باس نىسانى – Almaty Arena مۇز سارايىنىڭ قارسى جاعىندا ورنالاسقان. «بازيس-ا كورپوراتسياسى» جشس باسقارما توراعاسى پاۆەل بەلوۆيچ «Almaty Arena مۇز سارايىن سالىپ جاتقان كەزدىڭ وزىندە ءبىز دامىپ جاتقان اۋداننىڭ الەۋەتىن بايقاپ, ۋنيۆەرسيادا باس نىسانىنىڭ قارسى جاعىندا جاڭا ءارى جايلى تۇرعىن اۋدانىن سالۋ جونىندە شەشىم قابىلدادىق. ونىڭ ۇستىنە, حالىقارالىق جارىستارعا بيلەت ساتىپ العاندار اراسىنداعى ۇتىس ويىن كەزىندە باس جۇلدە رەتىندە «المالىداعى» پاتەردى ۇسىنۋ ايرىقشا مانگە يە بولادى دەپ ەسەپتەدىك», دەيدى. سونداي-اق, ۋنيۆەرسيادا اياقتالعاننان كەيىن الماتىلىقتار مەن «المالىنىڭ» تۇرعىندارى Almaty Arena مۇز سارايىندا حوككەي, مانەرلەپ سىرعاناۋمەن قاتار, ءجۇزۋ, كوركەم گيمناستيكا, بوكس, كۇرەس سەكىلدى تاعى دا باسقا كوپتەگەن سپورت تۇرلەرىمەن شۇعىلدانا الاتىن بولادى. ۋنيۆەرسيادا-2017 ويىندارىنا بيلەتتەردى almaty2017.kz, ticketon.kz, kassir.kz, fisutickets.com سايتتارىندا, سونداي-اق, الماتى جانە استانا قالالا­رىنىڭ كاسسالارىندا ساتىپ الۋعا بولادى. ايناش ەسالي, «ەگەمەن قازاقستان» الماتى