ۋنيۆەرسيادا الاۋى كەرەكۋدە جارقىرايدى

پاۆلودار وبلىستىق دەنە تاربيەسى جانە سپورت باسقار­ماسىنىڭ حابارلاۋىنشا, الماتىدا وتەتىن 28-ءشى بۇكىل­­الەمدىك قىسقى ۋنيۆەر­سيادا­نىڭ الاۋى ءبىزدىڭ وڭىردە قاڭتاردىڭ 26-سى كۇنى ساعات 10-دا سۇلتانماحمۇت تورايعىروۆ اتىنداعى مەملەكەتتىك ۋنيۆەرسيتەتتە جاعىلادى. ال, الاۋدى الىپ جۇرەتىندەردىڭ قۇرامىندا ريو وليمپياداسىنىڭ قاتىسۋ­شىسى داۋلەت شابانباي, رومان ۆالەەۆ, پاراليمپياداشى الەكساندر مەدۆەدەۆ, شاڭعى جارىسىنان 2016 جىلعى 6-قىسقى رەسپۋبليكالىق ۋنيۆەرسيادانىڭ جەڭىمپازى زۋرا قاليپەنوۆا, الەم چەمپيوناتىنىڭ كۇمىس مەدال يەگەرى ءاليا تولەگەنوۆا, جەڭىل اتلەت روكسانا وسپانوۆا جانە سپورت ارداگەرلەرى امان­گەلدى ايماعامبەتوۆ, ورازالى مۇحامەدالينوۆ, كونكيشى ليۋد­ميلا پروكاشەۆا, شاحماتشى ۆيكتور كولەەۆ سەكىلدى سپورتشىلارىمىز بار. بيىل پاۆلودارلىق بياتلونشى قىز ارينا پانتوۆا جاسوسپىرىمدەر وليمپيادا ويىن­دارىندا قولا مەدال جەڭىپ الدى. الاۋ جاعۋ ءراسىمى وتكەن سوڭ سپورتشىلار توبى وبلىس ور­تالىعىنداعى لوموۆ, ساتباەۆ كوشەلەرى ارقىلى ءجۇرىپ ءوتىپ, ەرتىس وزەنىنىڭ تومەنگى جاعا­لاۋىنا بارادى. جاعالاۋ بويىمەن ءجۇرىپ ءوتىپ, ەستاي اتىنداعى مادەنيەت سارايىنا كەلەدى. سارايدا قىسقى ۋنيۆەرسيادا ويىندارىنىڭ قۇرمەتىنە مەرەكەلىك كونتسەرت وتەدى. الاۋ كوتەرگەن سپورتشىلار توبى كەلەسى كەزەكتە «استانا» مۇز سارايىنا كەلىپ, ۋنيۆەرسيادانىڭ گالا-كونتسەرتىنە قاتىسادى. شارا سوڭىندا جاعىلعان الاۋ­دى شىنى ساۋىتقا ورناتىپ, الماتىعا قاراي اتتانا­دى. بۇل كۇنگى سپورتتىق شاراعا وبلىس ورتالىعىنداعى وقۋ ورىن­دارىنىڭ ەكىباستۇز ينجە­نەرلىك-تەحنيكالىق ينستيتۋتىنىڭ, اقسۋدىڭ جاياۋ مۇسا اتىنداعى كوللەد­جى­نىڭ ستۋدەنتتەرى دە قاتىسىپ, قولداۋ كورسەتەدى. فاريدا بىقاي, «ەگەمەن قازاقستان» پاۆلودار