قورجىنىندا تالاي قازىناسى بار بولات وماراليەۆ ەلىمىزدەگى ەڭ بايىرعى فوتوتىلشىلەردىڭ ءبىرى. سوناۋ 1980 جىلى «ەگەمەن قازاقستان» ارنايى فوتوبايقاۋ وتكىزگەن كەزدە, ول كىسىنىڭ ءبىرىنشى ورىن العانىن كوپشىلىك ۇمىتسا دا, گازەت شەجىرەسى ۇمىتپاسى انىق. ودان كەيىن دە «كازاحستانسكايا پراۆدا», «قازاق ادەبيەتى» سياقتى باسىلىمداردىڭ بايقاۋىندا توپ جارعان قاعىلەز فوتوگراف رەسەي, پولشا, ۋكراينا ەلدەرىندە فوتوكورمەسىن وتكىزگەن.
ەندەشە بۇل جولى فوتوگرافتىڭ تابيعاتتىڭ توسىن قۇبىلىستارىنا قۇرىلعان ءبىر عانا سۋرەتىنە توقتالماقپىز. بۇل فوتوعا «ءورت قالدىرعان ونەر» دەگەن تاقىرىپ قويدىق. ەگەر وماراليەۆتىڭ تەك قانا «تابيعاتتىڭ ءوزى ءمۇسىنشى» دەگەن قاس قاعىمدىق جۇمىستارىن جيناستىرساق, ونىڭ ءوزى ءبىر فوتوسەرياعا اينالعان بولار ەدى.
بۇل سۋرەت تۋرالى فوتوتىلشىنىڭ ءوزى بىلاي دەيدى: «سوناۋ 1980 جىلدارى قىزىلوردا وبلىسى شيەلى اۋدانىنداعى مۇستافا شوقاي اۋىلىنا باردىق. جابايى قويان, قىرعاۋىل فوتووبەكتيۆكە ىلىنە مە دەپ, ىڭعايلانىپ كەلە جاتسام, الىستان بيىك ادامنىڭ سۇلباسىن كوردىم. قاشىقتان قاراعاندا قۇشاعىن جازىپ تۇرعان ادام سياقتى. جۇرەگىم سۋ ەتە قالدى. جاقىنداپ كەلسەم, ايدىك قاراعاش. قۇددى بيلەپ تۇرعان قىز سەكىلدى. جان-جاعىنداعى جىڭعىل, شەڭگەلدەر تۇگەل ورتەنگەن».
شىنىندا دا وماراليەۆتىڭ شىعارماشىلىق مۇراعاتىنان مۇنداي سۋرەتتەردىڭ ءبىر پاراسى شىعادى. مەكتەپتە جۇرگەندە-اق بەينەلەۋ ونەرىنە قىزىققان بولات اعامىز العاش رەت فوتواپپاراتتى 15 جاسىندا قولىنا الادى.
– 16 جاسىمدا تۇڭعىش فوتوەتيۋدىم وبلىستىق گازەتكە شىقتى. بۇل سول زاماندا ايتارلىقتاي جەتىستىك بولاتىن. ول كەزدە الماتىدا سايلاۋ پەرنەباەۆ دەگەن ءفوتوتىلشى بولدى. ول كىسى ءبىزدىڭ قازاقتان شىققان تۇڭعىش فوتوەتيۋدشى. سوعان ەلىكتەپ جۇرسەم دە, وعان ۇقساتپاي فوتوەتيۋدتىڭ باسقا ءتۇرىن تۇسىرە باستادىم. سودان بەرى دە جارتى عاسىر ءومىر ءوتىپتى. 48 جىل بويى قىزىلوردا وبلىستىق «سىر بويى» دەگەن گازەتتە ءفوتوتىلشى بولىپ جۇمىس ىستەدىم. وتكەن جىلى زەينەتكە شىقتىم, – دەيدى شەجىرەلى ارىپتەسىمىز.
ايناش ەسالي,
«ەگەمەن قازاقستان»
الماتى
قورجىنىندا تالاي قازىناسى بار بولات وماراليەۆ ەلىمىزدەگى ەڭ بايىرعى فوتوتىلشىلەردىڭ ءبىرى. سوناۋ 1980 جىلى «ەگەمەن قازاقستان» ارنايى فوتوبايقاۋ وتكىزگەن كەزدە, ول كىسىنىڭ ءبىرىنشى ورىن العانىن كوپشىلىك ۇمىتسا دا, گازەت شەجىرەسى ۇمىتپاسى انىق. ودان كەيىن دە «كازاحستانسكايا پراۆدا», «قازاق ادەبيەتى» سياقتى باسىلىمداردىڭ بايقاۋىندا توپ جارعان قاعىلەز فوتوگراف رەسەي, پولشا, ۋكراينا ەلدەرىندە فوتوكورمەسىن وتكىزگەن.
ەندەشە بۇل جولى فوتوگرافتىڭ تابيعاتتىڭ توسىن قۇبىلىستارىنا قۇرىلعان ءبىر عانا سۋرەتىنە توقتالماقپىز. بۇل فوتوعا «ءورت قالدىرعان ونەر» دەگەن تاقىرىپ قويدىق. ەگەر وماراليەۆتىڭ تەك قانا «تابيعاتتىڭ ءوزى ءمۇسىنشى» دەگەن قاس قاعىمدىق جۇمىستارىن جيناستىرساق, ونىڭ ءوزى ءبىر فوتوسەرياعا اينالعان بولار ەدى.
بۇل سۋرەت تۋرالى فوتوتىلشىنىڭ ءوزى بىلاي دەيدى: «سوناۋ 1980 جىلدارى قىزىلوردا وبلىسى شيەلى اۋدانىنداعى مۇستافا شوقاي اۋىلىنا باردىق. جابايى قويان, قىرعاۋىل فوتووبەكتيۆكە ىلىنە مە دەپ, ىڭعايلانىپ كەلە جاتسام, الىستان بيىك ادامنىڭ سۇلباسىن كوردىم. قاشىقتان قاراعاندا قۇشاعىن جازىپ تۇرعان ادام سياقتى. جۇرەگىم سۋ ەتە قالدى. جاقىنداپ كەلسەم, ايدىك قاراعاش. قۇددى بيلەپ تۇرعان قىز سەكىلدى. جان-جاعىنداعى جىڭعىل, شەڭگەلدەر تۇگەل ورتەنگەن».
شىنىندا دا وماراليەۆتىڭ شىعارماشىلىق مۇراعاتىنان مۇنداي سۋرەتتەردىڭ ءبىر پاراسى شىعادى. مەكتەپتە جۇرگەندە-اق بەينەلەۋ ونەرىنە قىزىققان بولات اعامىز العاش رەت فوتواپپاراتتى 15 جاسىندا قولىنا الادى.
– 16 جاسىمدا تۇڭعىش فوتوەتيۋدىم وبلىستىق گازەتكە شىقتى. بۇل سول زاماندا ايتارلىقتاي جەتىستىك بولاتىن. ول كەزدە الماتىدا سايلاۋ پەرنەباەۆ دەگەن ءفوتوتىلشى بولدى. ول كىسى ءبىزدىڭ قازاقتان شىققان تۇڭعىش فوتوەتيۋدشى. سوعان ەلىكتەپ جۇرسەم دە, وعان ۇقساتپاي فوتوەتيۋدتىڭ باسقا ءتۇرىن تۇسىرە باستادىم. سودان بەرى دە جارتى عاسىر ءومىر ءوتىپتى. 48 جىل بويى قىزىلوردا وبلىستىق «سىر بويى» دەگەن گازەتتە ءفوتوتىلشى بولىپ جۇمىس ىستەدىم. وتكەن جىلى زەينەتكە شىقتىم, – دەيدى شەجىرەلى ارىپتەسىمىز.
ايناش ەسالي,
«ەگەمەن قازاقستان»
الماتى
سوڭعى جاڭالىقتار
قازاقستاندا قاي باعىتتاعى جولدار جابىق؟
قازاقستان • بۇگىن, 09:40
22 اقپانداعى ۆاليۋتا باعامى جاريالاندى
قارجى • بۇگىن, 09:15
ەگەمەندىكتى نىعايتۋداعى كەشەندى ءتاسىل
اتا زاڭ • كەشە
اتا زاڭ • كەشە
كۇزەت قىزمەتىن باقىلاۋ كوميتەتىنىڭ توراعاسى تاعايىندالدى
تاعايىنداۋ • كەشە
ازاماتتاردىڭ 78%-دان استامى جاڭا كونستيتۋتسيانى قولدايدى
اتا زاڭ • كەشە
سوت اكىمدىككە ارنايى ءوتىنىش جاسادى
ايماقتار • كەشە
