جامبىل وبلىسىندا ونداعان ادام قار قۇرساۋىنان قۇتقارىلدى

جامبىل وبلىسى اۋداندارىنداعى اۋا رايىنىڭ كۇرت ناشارلاۋى اۆتوكولىك قوزعالىسىنىڭ شەكتەلۋىنە سوقتىردى جانە قار قۇرساۋىنان ادامداردى قۇتقارۋعا تۋرا كەلدى, دەپ حابارلادى قازاقپارات. «كەشە شۋ اۋدانىندا شوقپار اۋىلىنان 10 شاقىرىم جەردەگى اۆتوجول بولىگىندە اپاتتى-قۇتقارۋ جۇمىستارى جۇرگىزىلدى. وبلىستىق تجد «ءورت ءسوندىرۋ جانە اپاتتى-قۇتقارۋ جۇمىستارى قىزمەتى» مم جانە جەرگىلىكتى اتقارۋ ورگاندارى كۇشتەرى شوقپار اۋىلىندا 34 ادام مەن 6 جەڭىل اۆتوكولىكتى قار قۇرساۋىنان شىعاردى. وعان 8 ادام مەن 4  تەحنيكا جۇمىلدىرىلدى», – دەپ حابارلادى جامبىل وبلىسى تجد ءباسپاسوز قىزمەتى. ودان بولەك, 14 قاڭتار كۇنى اۋا رايى جاعدايىنىڭ ناشارلاۋىمەن (بۇرقاسىن, كورىنىستىڭ ناشارلاۋى) الماتى - تاشكەنت اۆتوجولىنىڭ 157-240 شاقىرىمى  («قورداي» اسۋىنىڭ اينالما جولى) بارلىق اۆتوكولىك تۇرلەرى ءۇشىن جابىلدى. 15 قاڭتار كۇنى 13:00-دە اتالعان جول بولىگىندە ۇلكەن جۇك كولىكتەرىنىڭ قوزعالىسىنا شەكتەۋ ەنگىزىلدى.