بوكستان قازاقستان قۇراماسىنىڭ بۇرىنعى مۇشەلەرى ءبىرجان جاقىپوۆ پەن بەرىك ءابدىراحمانوۆ اۋەسقوي بوكسپەن قوش ايتىستى, - دەپ حابارلايدى
Vesti.kz ۇلتتىق قۇرامانىڭ باس باپكەرى مىرزاعالي ايتجانوۆقا سىلتەمە جاساپ.
49 كيللوگرام سالماققا دەيىن جۇدىرىقتاسقان 32 جاستاعى ءبىرجان جاقىپوۆ وليمپيادا ويىندارىنا ءۇش رەت قاتىسقان (2008, 2012, جانە 2016) جانە ءاردايىم جارتىلاي فينالعا دەيىن عانا باردى. ونىڭ جەتىستىكتەرى - 2013 جىلى الەم چەمپيونى, 2005 جىلعى الەم بىرىنشىلىگىندە قولا جۇلدە, 2010 جانە 2014 جىلدارداعى ازيا چەمپيوناتىندا ەكى كۇمىس جۇلدە, قازاقستان چەمپيوناتىنىڭ بىرنەشە جۇلدەسى. جاقىن ارادا جاقىپوۆ ءوزىنىڭ تۋعان جەرى شىمكەنت قالاسىنداعى سپورت مەكتەبى ديرەكتورىنىڭ ورىنباسارى بولادى دەپ بولجانىپ وتىر.
40 كەلىگە دەيىنگى سالماقتا جۇدىرىقتاسىپ كەلگەن 30 جاستاعى بەرىك ءابدىراحمانوۆ 2016 جىلعى وليمپيادادا العاشقى كەزدەسۋىندە-اق امەريكالىق كارلوس بالدەراماستان ۇتىلىپ قالدى. اقتاۋلىق بوكسشىنىڭ ەڭ ۇلكەن جەتىستىگى 2013 جىلى بولدى. ول وسى جىلى ازيا چەمپيونى اتاندى جانە الماتىدا وتكەن الەم چەمپيوناتىنىڭ قولا جۇلدەسىنىڭ يەگەرى اتانعان ەدى.
