قاراعاندى وبلىسىندا كادرلىق تاعايىنداۋلار بولدى

بۇگىنگى اپپاراتتىق جيىن بارىسىندا قاراعاندى وبلىسىنىڭ اكىمى نۇرمۇحامبەت ابدىبەكوۆ جاڭا كادرلىق تاعايىنداۋلار تۋرالى ايتتى, دەپ حابارلادى قاراعاندى وبلىسى اكىمىنىڭ ءباسپاسوز قىزمەتى. جۇماسۇلتانوۆ عالىم ءازىرحان ۇلى كونكۋرستىق ىرىكتەۋ ارقىلى قاراعاندى وبلىسى ونەركاسىپ جانە يندۋستريالدى-ينوۆاتسيالىق دامۋ باسقارماسىنىڭ باسشىسى بولىپ تاعايىندالدى. ول 1962 جىلى دۇنيەگە كەلگەن. ەكى جوعارى ءبىلىم بار, قاراعاندى پوليتەحنيكالىق ينسيتۋتىن جانە قاراعاندى مەملەكەتتىك ۋنيۆەرسيتەتىن بىتىرگەن. ماماندىعى بويىنشا وندىرىستىك ترانسپورت ينجەنەرى, ەكونوميست. ەڭبەك جولىن 1984 جىلى قارمەتكومبيناتتا ديسپەتچەر بولىپ باستاعان. 1986 جىلدان 1995 جىلعا دەيىن اعا ينجەنەر, №1 قاراعاندى اۆتوبۋس پاركىنىڭ ءبولىم باسشىسى لاۋازىمىندا قىزمەت ەتكەن. «نك سپك «سارى-ارقا» اق باسقارۋشى ديرەكتورى لاۋازىمىن يەلەنگەن. 2008 جىلدان باستاپ بۇگىنگە دەيىن كاسىپكەرلىك جانە ونەركاسىپ باسقارماسى باسشىسىنىڭ ورىنباسارى, ونەركاسىپ جانە يندۋستريالدى-يننوۆاتسيالىق دامۋ باسقارماسى باسشىسىنىڭ ورىنباسارى لاۋازىمىندا بولدى. كارىموۆ ايدار جاقىپ ۇلى كونكۋرستىق ىرىكتەۋ نەگىزىندە وبلىس اكىمى اپپاراتىنىڭ مسب جانە ءوندىرىستى دامىتۋ ءبولىمىنىڭ باسشىسى لاۋازىمىنا تاعايىندالدى. كارىموۆ ا.ج. 1986 جىلى دۇنيەگە كەلگەن. جوعارى ءبىلىمدى, قازتۇتىنۋ وداعى قاراعاندى ەكونوميكالىق ۋنيۆەرسيتەتىن بىتىرگەن. ماماندىعى - مەملەكەتتىك جانە جەرگىلىكتى باسقارۋ ءىسىنىڭ باكالاۆرى. 2009 جىلدان باستاپ مەملەكەتتىك قىزمەتتە. قاراعاندى قالاسىنىڭ مادەنيەت جانە تىلدەردى دامىتۋ باسقارماسىندا باس مامان بولىپ قىزمەت اتقاردى. كەيىن وكتيابر اۋدانى اكىمى اپپاراتىنىڭ ەكونوميكا جانە كاسىپكەرلىك ءبولىمىنىڭ باسشىسى, قاراعاندى قالاسى قازىبەك بي اۋداندىق اكىمى اپپاراتىنىڭ ەكونوميكا جانە كاسىپكەرلىك ءبولىمىن باسقاردى. جاڭا كادرلىق تاعايىنداۋعا دەيىن وبلىس اكىمى اپپاراتىنىڭ ۇيىمداستىرۋشىلىق-ينسپەكتورلىق ءبولىمىنىڭ باس مامانى بولىپ قىزمەت اتقاردى.