ىشكى نارىقتا بولشەك ساۋدا اينالىمى ۇلعايدى

بولشەك ساۋدا كولەمى 2016 جىلعى قاڭتار-جەلتوقساندا 7661,8 ملرد. تەڭگەنى نەمەسە 2015 جىلدىڭ ءتيىستى كەزەڭىنىڭ دەڭگەيىنە 100,9%-دى قۇرادى, دەپ حابارلايدى ستاتيستيكا كوميتەتى. سايكەس كەزەڭدە ساۋدا كاسىپورىندارى ارقىلى تاۋارلاردى وتكىزۋ كولەمى 4120,4 ملرد. تەڭگەنى نەمەسە وتكەن جىلدىڭ ءتيىستى كەزەڭىنىڭ دەڭگەيىنە 103,4%-دى قۇرادى. سونىمەن قاتار, ءىرى سەگمەنت كاسىپورىندارى بويىنشا (جۇمىسكەرلەر سانى 50-دەن جوعارى) بولشەك ساۋدانىڭ ناقتى كولەم يندەكسى 2015 جىلعى قاڭتار-جەلتوقسانمەن سالىستىرعاندا 97,9%-دى قۇرادى. دارا كاسىپكەرلەردىڭ, سونىڭ ىشىندە بازارلاردا ساۋدامەن اينالىساتىنداردىڭ بولشەك ساۋدا كولەمى جالپى كولەمنىڭ 46,2%-ىن الادى, وتكەن جىلعى قاڭتار-جەلتوقسانمەن سالىستىرعاندا ولاردىڭ كولەمى 1,9%-عا تومەندەدى. بولشەك ساۋدا قۇرىلىمىندا ازىق-ت ۇلىك ەمەس تاۋارلار باسىم (بولشەك ساۋدانىڭ جالپى كولەمىنە 64,3%). ازىق-ت ۇلىك ەمەس تاۋارلاردىڭ بولشەك ساۋدادا وتكىزىلۋى وتكەن جىلدىڭ ءتيىستى كەزەڭىمەن سالىستىرعاندا 1,4%-عا تومەندەپ, ازىق-ت ۇلىك تاۋارلارى 6,2%-عا ءوستى. 2017 جىلعى 1 قاڭتارعا بولشەك ساۋداداعى ساۋدا كاسىپورىندارى (ەسەپتى تاپسىرعان كاسىپورىندار بويىنشا) تاۋارلىق قورلارىنىڭ كولەمى 387,1 ملرد. تەڭگەنى, ساۋداداعى كۇندەرى 46 كۇندى قۇرادى. 2016 جىلعى قاڭتار-جەلتوقساندا رەسپۋبليكاداعى بولشەك ساۋدانىڭ جالپى كولەمىندەگى ەداۋىر جوعارى ۇلەس سالماق الماتى قالاسىنا (28,3%), استانا قالاسىنا (10,9%), شىعىس قازاقستان (9,4%) جانە قاراعاندى وبلىستارىنا (9%) كەلەدى.