«سامعاۋ» ۇلتتىق بايقاۋىنىڭ جەڭىمپازدارى ماراپاتتالدى

بۇگىن استانا قالاسىندا جۋرناليستەر اراسىنداعى «سامعاۋ» ۇلتتىق بايقاۋىنىڭ ايماقتىق اتالىمدارى بويىنشا جەڭىمپاز اتانعان جۋرناليستەر ماراپاتتالدى.  الداعى ناۋرىز ايىندا ماسكەۋ قالاسىندا بايقاۋدىڭ باس جۇلدەسى - جەڭىل كولىكتى تاپسىرۋ ءراسىمى وتەدى, دەپ xابارلايدى قازاقپارات. بايقاۋدىڭ نەگىزگى ماقساتى - xالىق اراسىندا وتاندىق ءونىمدى كەڭىنەن ناسيحاتتاۋ. «ءبىز قاشاننان بەرى وتاندىق ونىمدەردىڭ شەتەلدىكىنەن ارتىق بولماسا, ءبىر دە كەم ەمەستىگىن ايتىپ كەلەمىز. بۇرىنعى كەزەڭدەرمەن سالىستىرعاندا, ساپاسى مەن پايدالى قاسيەتتەرى, ديزاينى جاعىنان ايتارلىقتاي ىلگەرىلەۋشىلىك بار. الايدا, ءوز تاۋارلارىمىزدىڭ ارتىقشىلىقتارىن ناسيحاتتاۋ جاعى كەمشىن قالىپ كەلەدى. وسى بايقاۋدى ۇيىمداستىرعاندا دا, ءبىز اتالعان ولقىلىقتىڭ ورنىن تولتىرىپ, وتاندىق ونىمدەردى كەڭىنەن ناسيxاتتاۋدى كوزدەدىك. ءبىز سول مىندەتتىڭ ۇدەسىنەن شىقتىق دەپ ويلايمىن. شىنىمدى ايتسام, ءوزىمىز ەستىمەي كەلگەن تاۋارلاردىڭ بار ەكەنىن بىلدىك», - دەيدى «حالىق ماركاسى» قازاقستاندىق تاۋارلار مەن قىزمەتتەردىڭ ساپاسىن باقىلاۋ جۇيەسى فەدەراتسياسىنىڭ پرەزيدەنتى ريمما تاجىباەۆا. وسىلايشا, «سامعاۋ» ۇلتتىق بايقاۋىنىڭ ايماقتىق اتالىمدارى بويىنشا 12 جۋرناليست جەڭىمپاز اتانىپ, شەتەلگە جولداما ۇتىپ الدى. جالپى, بايقاۋعا 200-گە جۋىق جۋرناليست قاتىستى. الداعى ۋاقىتتا بايقاۋدىڭ باستى ماراپاتىن تاپسىرۋ سالتاناتىن ماسكەۋ قالاسىندا ۇيىمداستىرۋ جوسپارلانىپ وتىر. سول جەردە باس جۇلدەنىڭ جەڭىمپازىنا قازاقستاندا جاسالعان جەڭىل كولىك تابىستالادى. بۇدان بولەك, 12 بىردەي ەلگە ساپارلاۋعا مۇمكىندىك بەرەتىن جولداما تاپسىرىلادى. قالعان 7 جۋرناليسكە باعالى سىيلىقتار بەرىلەدى.